धरणगाव (प्रतिनिधी) क्रीडा व युवक सेवा संचालनालय , महाराष्ट्र राज्य (पुणे), जिल्हा क्रीडाधिकारी कार्यालय जळगाव व इंदिरा गांधी विद्यालय यांच्या संयुक्त विद्यामानाने शासकीय जिल्हास्तरीय व्हॉलीबॉल स्पर्धेचे आयोजन इंदिरा गांधी माध्यमिक व कनिष्ठ महाविद्यालयात आयोजीत करण्यात आल्या आहेत.
सदर स्पर्धेच्या अध्यक्षस्थानी संस्थेचे सचिव सि.के. पाटील होते. तर प्रमुख पाहुणे म्हणून तालुका क्रीडा अधिकारी एम.के.पाटील सर उपस्थित होते. क्रीडा स्पर्धेचे उदघाटन माजी गटनेते विनय (पप्पू भाऊ) भावे यांच्या हस्ते करण्यात आले. स्पर्धेची सुरूवात महात्मा ज्योतिराव फुले यांच्या फोटोला माल्यार्पण करून करण्यात आली. यावेळी व्यासपीठावर शाळेच्या प्राचार्य सुरेखा पाटील, आदर्श विद्यालयाचे संचालक अश्विन पाटील,डी.एन. पाटील, हेमंत माळी, तसेच प्रत्येक तालुक्यातील क्रीडा शिक्षक व तालुक्यातील पत्रकार बांधव उपस्थित होते.
स्पर्धा तीन दिवस चालणार
सोमवारी झालेल्या 14 वर्षा आतील मुलींच्या सामन्यात बुरहानी इंग्लिश मिडीयम स्कूल पाचोरा, व इंदिरा गांधी विद्यालय यांच्यात झालेल्या अंतीम सामन्यात बुरहानी इंग्लिश मिडीयम स्कूल ,पाचोरा हा संघ विजयी झाला. तसेच 14 वर्षा आतील मुलांच्या संघात बी.जी.शानबाग विद्यालय व इंदिरा गांधी विद्यालय धरणगाव यांच्यात झालेल्या चुरशीच्या सामन्यात बी.जी. शानबाग विद्यालयाने विजय मिळविला.
स्पर्धा यशस्वी पार पाडण्यासाठी रवींद्र कंखरे (अध्यक्ष महाराष्ट्र व्हॉलीबॉल असोसिएशन स्कुटिनी कमिटि), सुमेर वाघरे (म.पो.) क्षितीज सोनवणे, गौरव भागवत, ईश्वर चौधरी, अनिकेत सोनवणे, वैभव भोलाने, ललित डोके, रुपेश चौधरी, राज पाटील तसेच अमोल भाऊ, योगेश पाटील,अनिल तावडे यांनी सहकार्य केले. सदर कार्यक्रमाचे प्रस्ताविक सचिन सूर्यवंशी यांनी केले. तर आभार आकाश बिवाल यांनी मानले.