जळगाव (प्रतिनिधी) मेहरूण तलावाचे उगमस्थान असलेला ब्रिटिश कालीन अंबाझरा तलाव पाटचारी सफाई अभियान मराठी प्रतिष्ठान गेल्या तीन वर्षांपासून राबवत आहे.त्या मुळे मेहरून तलाव पूर्ण क्षमतेने भरतो. या बाबत नवनिर्वाचित आयुक्त डॉ. विद्या गायकवाड यांना मराठी प्रतिष्ठानतर्फे अंबरझरा तलावाची चारी स्वच्छ करण्यासाठी निवेदन देण्यात आले होते.
पर्यावरण प्रेमी आयुक्त डॉ. विद्या गायकवाड यांनी दुसऱ्याच दिवशी स्वतः येऊन पाहणी केली. अंबाझरा तलावाचे निरीक्षण केले.सोबत असलेल्या मनपा अधिकारी यांना सूचना देऊन पाटचारी सफाई व दुरूस्ती बाबत पावसाळ्या पूवी कार्यवाही करा असे आदेश दिले. तसेच तातडीने जेसीबी उपलब्ध करून देऊन सफाई अभियानाला सुरवात पण करून दिली.
रविवार असून सुद्धा आयुक्त डॉ विद्या गायकवाड यांनी अंबाझरा तलाव ला प्रत्यक्ष भेट दिली. अंबाझरा तलावाला भेट देणाऱ्या त्या पहिल्या आयुक्त आहे. मराठी प्रतिष्ठान तर्फे त्यांचे आभार मानण्यात आले. या प्रसंगी मराठी प्रतिष्ठानचे अध्यक्ष ॲड जमील देशपांडे, उद्योजक सुबोध चौधरी, म न पा इंजिनियर व्ही. ओ. सोनावणे दीपक धांडे उपस्थित होते. आयुक्त डॉ. विद्या गायकवाड यांच्या कार्यतत्पर ते मुळे मेहरून तलाव १०० टक्के भरेल असा विश्वास मराठी प्रतिष्ठानचे सचिव विजय वाणी यांनी व्यक्त केला.
