धरणगाव (प्रतिनिधी) येथील पोलिस स्टेशनचे पोलीस निरीक्षक शंकर शेळके यांची प्रशासकीय बदली मुक्ताईनगर या ठिकाणी झाली असून मुक्ताईनगरचे पोनि. राहुल खताळे धरणगाव येथे बदलीवर आले आहेत. शेळके यांचा निरोप समारंभ व खताळे यांचे स्वागत असा द्विअर्थी कार्यक्रम या ठिकाणी पोलीस स्टेशनच्या प्रांगणात पार पडला.
या कार्यक्रमात धरणगाव शहरातील सामाजिक क्षेत्रात, राजकीय क्षेत्रात तसेच पत्रकारिता क्षेत्रात काम करणारे सर्व मान्यवरांच्या उपस्थितीत हा सोहळा पार पडला. या निरोप समारंभा प्रसंगी साहित्यिक प्रा. बी. एन. चौधरी, शिवसेना सहसंपर्क प्रमुख गुलाबराव वाघ, उमवि सिनेट सदस्य प्रा. डी. आर. पाटील, क्लिअर न्यूजचे संपादक विजय वाघमारे, भाजपा ओबीसी जिल्हा अध्यक्ष संजय महाजन, माजी नगराध्यक्ष ज्ञानेश्र्वर महाजन, भाजपा गटनेते कैलास माळी, चौधरी समाज अध्यक्ष सुनिल चौधरी, चर्मकार महासंघाचे राष्ट्रीय कार्याध्यक्ष भानुदास विसावे, आबा वाघ यांनी मनोगतात शेळके यांनी केलेल्या कार्यकर्तृत्वाचाचे कौतुक करून, असा कर्तव्यदक्ष अधिकारी लाभणे धरणगावसाठी भाग्याचे असल्याचे प्रतिपादन केले. यावेळी माजी नगराध्यक्ष पीएम पाटील, विजय महाजन हे देखील उपस्थित होते.तसेच नवीन बदलून आलेले खताळे यांनीसुद्धा याच प्रमाणे आपल्या कार्यकर्तृत्वाचा ठसा उमटवावा, असे मत व्यक्त केले. सत्काराला उत्तर देताना पो.नी. शंकर शेळके सर्वांनी मिळालेल्या प्रेमामुळे भारावून गेलोय म्हणत अत्यंत भावनिक संवेदना व्यक्त करताना आपण सर्वांनी दिलेले प्रेम पुढील कार्यास ऊर्जा देईल, असे प्रतिपादन केले. खताळे यांनी माझे काम सुद्धा शंकर शेळके यांच्या कामा प्रमाणेच सर्व नागरिकांना समाधान देणारे असेल असे सांगितले. कार्यक्रमाचे सूत्रसंचालन डी. एस. पाटील यांनी केले. तर आभार प्रदर्शन पत्रकार आर.डी महाजन यांनी मानले.
