धरणगाव (प्रतिनिधी) तालुक्यातील बांभोरी येथील हिताची कंपनीच्या सोलर पावर प्लांट येथून अज्ञात चोरट्यांनी सोलरची प्लेट आणि डीसी केबल कनेक्टर असा एकूण 55 हजार रुपये किमतीचा मुद्देमाल चोरून नेल्याची घटना 7 सप्टेंबर रोजी सकाळी 7 वाजता उघडकीला आली आहे. याप्रकरणी सोमवारी 9 सप्टेंबर रोजी सायंकाळी 7 वाजता धरणगाव पोलीस ठाण्यात अज्ञात चोरट्यांवर गुन्हा दाखल करण्यात आला आहे.
धरणगाव तालुक्यातील बांभोरी गावात हिताची नावाची कंपनी आहे. या कंपनीत सोलर पावर प्लांट लावण्यात आले आहे. दरम्यान 30 ऑगस्ट ते 7 सप्टेंबरच्या दरम्यान अज्ञात चोरट्यांनी या कंपनीच्या सोलर फ्लॉवर प्लांट मधील सोलर प्लेट आणि डीसी केबल जोडण्याचे कनेक्टर असा एकूण 55 हजार रुपये किमतीचा ऐवज चोरून नेला आहे. ही घटना 7 सप्टेंबर रोजी सकाळी 7 वाजता समोर आली. या संदर्भात कंपनीतील मॅनेजर अविनाश नारायण बर्मा यांनी धरणगाव पोलिसात तक्रार दिली आहे. त्यानुसार अज्ञात चोरट्यांवर सोमवारी 9 सप्टेंबर रोजी सायंकाळी 7 वाजता अज्ञात चोरट्यांवर धरणगाव पोलीस ठाण्यात गुन्हा दाखल करण्यात आला आहे. या घटनेचा पुढील तपास सहाय्यक फौजदार सुनील लोहार हे करीत आहे.
