अमळनेर (प्रतिनिधी) तालुक्यात नंदगाव येथील मूळ रहिवाशी असलेल्या पोलीस निरिक्षकपदी सचिन मुरलीधर खैरनार यांना पदोन्नती मिळाल्या बद्दल नंदगाव येथील ग्रामस्थ व बालब्रम्हचारी हभप ईश्वरदास महाराज यांच्या हस्ते गौरव करण्यात आला.
सचिन खैरनार हे आपल्या तालुक्यातील नंदगाव येथील रहिवासी व अमळनेर येथे स्थायिक असलेले सेवानिवृत्त मंडळ अधिकारी एम एम पाटील यांचे चिरंजीव तर पत्रकार कुंदन खैरनार यांचे भाऊ, सेवाव्रती सचिन खैरनार यांनी सन २००९ मध्ये पोलीस उपनिरीक्षक झाले. २०१० ते १३ चंद्रपूर जिल्यात नक्षलग्रस्त भागात सेवा बजावत असतांना २०१३ ला सहाय्यक पोलीस निरीक्षकपदी पदोन्नती मिळाली आणि नाशिक क्राईम ब्रँचच्या १ नंबर युनिटला नियुक्तीपर सेवा बजावीत आहेत. त्यातच आज पोलीस खात्याअंतर्गत पोलीस निरीक्षकपदी पदोन्नती मिळाल्याने त्यांचे तालुक्यातुन सर्वत्र अभिनंदन होत आहे. त्यांचा गौरव करतांना ईश्वरदास महाराज म्हणाले की, हा फक्त त्यांचा गौरव नसुन त्या बरोबर आपल्या गावचे देखील यात गौरव होऊन गावाच्या शिरपेचात मानाचा तुरा रोवला गेला आहे.
सत्कार स्विकारतांना सचिन खैरनार म्हणाले की, सत्कार होत असतात, होत राहतील परंतु माझ्या गावाने माझ्या घरात जो माझा सत्कार केला. जे प्रेम दिले ते माझ्या चिरंतन लक्षात राहीन. आमच्या गावांतील व्यक्ती पोलीस निरीक्षक होतो ही आमच्यासाठी व गावासाठी निश्चित अभिमानाची गोष्ट आहे. असे गावांतील जेष्ठ नागरिक अभिमानाने सांगतात. आमच्या पंच क्रोशीत फक्त आमचंच गावं असे आहे की, गावातील एकाच घरातुन तिन जण MPSC स्पर्धा परीक्षा पास होऊन क्लास वन अधिकारी झाले आहेत. असे गावातील नागरिक अभिमानाने सांगतात. सचिन मुरलीधर खैरनार यांचे मोठे बंधु राजेंद्र खैरनार हे देखील MPSC द्वारा जळगाव जिल्हा परिषदेच्या वित्त व लेखा अधिकारी वर्ग १ यापदावर कार्यरत आहेत. तसेच त्यांच्या वहिनी ही जळगाव कृषी विभागाच्या कृषी अधिकारी म्हणुन कार्यरत आहेत.
यावेळी गावातील विविध पदाधीकाऱ्यांसह जेष्ठ नागरिक उपस्थित होते. यावेळी रतन पाटील, शांताराम पाटील, खुशाल पाटील, बबन पाटील, ज्ञानेश्वर पाटील, मोतीलाल पाटील, उत्तम पाटील, धनराज पाटील, दिपक पाटील, पृथ्वीराज पाटील, सुरेश पाटील, अशोक पाटील यांसह गावातील मान्यवर उपस्थित होते.
