जळगाव (प्रतिनिधी) शहरातील रिलायन्स पेट्रोलपंपाजवळ असलेल्या लायबा हॉटेलातील मालकाने हॉटेलमधील वेटरला बँकेत दीड लाख भरण्यासाठी दिले. मात्र, बँकेत पैसे न भरता वेटर पैसे घेऊन पसार झाल्याची घटना उघडकीस आली आहे. याप्रकरणी एमआयडीसी पोलीस ठाण्यात हॉटेलच्या वेटरविरोधात गुन्हा दाखल करण्यात आला आहे.
यासंदर्भात वकार इकबाल मन्सुरी (वय १९, रा. प्लट नं. १९, फिरदोस पॅलेस, सालारनगर, अजिंठा चौक, जळगाव) यांनी दिलेल्या फिर्यादीनुसार, रिलायन्स पेट्रोलपंपाजवळ जळगाव येथे त्यांचे वडील इकबाल कासीम मन्सुरी यांच्या नावाने हॉटेल लायबा हि शाकाहारी व मांसाहारी हॉटेल आहे. हॉटेलवर मोहम्मद आशान अंसारी (रा. गाजीपुर बिहार) हा सुमारे ६ वर्षापासून हॉटेलचे काम करीत आहे. दि. १८ फेब्रुवारी २०२२ रोजी दुपारी ३.०० वाजता त्यास आयसीआयसीआय बँकेत जावुन स्टार फिस सेंटर या नावाने असलेले बैंक अकाउंटवर दिड लाख रुपये डिपॉझिट करण्याचे काम सांगण्यात आले होते. त्यानंतर तो एकटाच वरील बँकेत डिपॉझिट करण्यासाठी गेला. परंतू बँकेची वेळ संपवून देखील वेटर मोहम्मद हॉटेलवर परत न आल्याने त्याच्या मोबाईलवर संपर्क साधला असता तो बंद होता.त्यामुळे तो पैसे पसार झाल्याप्रकरणी एमआयडीसी पोलीस ठाण्यात मोहम्मद आशान अंसारी याच्याविरोधात गुन्हा दाखल करण्यात आला आहे. पुढील तपास पीएसआय दिपक जगदाळे करीत आहेत.
