धरणगाव (प्रतिनिधी) शहरातील मुख्य बाजार पेठेतील कापड दुकान आणि गुजराथी गल्लीतील एक बंद घर फोडत अज्ञात चोरट्यांनी रोकड, चांदीचा क्वाईन, असा साधारण ५० हजाराहून अधिकचा ऐवज लंपास केला आहे.
तोंडावर मास्क आणि एकाने रुमाल बांधलेला अशा दोघं चोरट्यांनी धरणगावातील मुख्य बाजार पेठेतील मिश्रीलाल लालचंद कापड दुकान पहाटे ५ वाजेच्या सुमारास फोडले. दुकानात प्रवेश केल्यानंतर चोरट्यांनी अवघ्या काही मिनिटात गल्ल्यातील साधारण १५ ते २० हजाराची रोकड घेऊन पोबारा केला. तर गुजराथी गल्लीतील शाम कर्वा हे बाहेर गावी गेले असल्याने घर बंद होते. चोरट्यांनी बंद घर फोडून साधारण ३५ हजाराची रोकड आणि एक चांदीचा क्वाईन, असा साधारण ५० हजाराहून अधिकचा ऐवज चोरीला गेला आहे. दरम्यान, भावे गल्ली आणि गुजराती गल्ली परिसरातील बंद घरं देखील फोडण्याचा प्रयत्न झाल्याचे कळते. या प्रकरणी शेवटचे वृत्त हाती आले तेव्हा गुन्हा दाखल करण्याची प्रक्रिया सुरु होती. दोघं ठिकाणी पोलीस निरीक्षक उद्धव ढमाले यांच्यासह कर्मचाऱ्यांनी भेट देऊन पाहणी केली.
