धरणगाव (प्रतिनिधी) शहरातील साहिल नगरात महिलेचे बंद घर फोडून घरातून १४ हजार रुपये किमतीचे चांदीचे दागिने अज्ञात चोरट्यांनी चोरून नेल्याचे घटना शनिवारी २० जुलै रोजी सकाळी ८ वाजता समोर आले आहे. याप्रकरणी दुपारी १ वाजता धरणगाव पोलीस ठाण्यात चोरट्यांवर गुन्हा दाखल करण्यात आला.
धरणगाव शहरातील साहिल नगरात सरलाबाई सुरेश सोनवणे (वय-५७), ह्या वास्तव्याला आहे. शेती काम करून ते आपला उदरनिर्वाह करत असतात. त्याच परिसरात सरलाबाई सोनवणे यांची बहीण प्रमिलाबाई भालेराव या वास्तव्याला आहे. दरम्यान प्रमिलाबाई भालेराव यांचे घर बंद असताना अज्ञात चोरट्यांनी घरातून १४ हजार रुपये किमतीच्या चांदीचे दागिने चोरून नेले.ही घटना उघडकीला आल्यानंतर सरलाबाई सोनवणे यांनी पोलिसात धाव घेवून तक्रार दिली. त्यानुसार अज्ञात चोरट्यांवर दुपारी १ वाजता धरणगाव पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस नाईक उमेश पाटील करीत आहे.
