धरणगाव (प्रतिनिधी) महाराष्ट्रातील ग्रंथालयांच्या अनुदानात वाढ करण्याचा निर्णय उच्च तंत्र शिक्षण मंत्री चंद्रकांत दादा पाटील यांनी घेतला आहे. या निर्णयाचे बाळासाहेब ठाकरे महाराष्ट्र ग्रंथालय संघाने स्वागत करत चंद्रकांतदादा पाटील यांचे आभार मानले आहेत.
अनेक वर्षापासून महाराष्ट्रातील ग्रंथालय व कर्मचारी यांचे प्रश्न प्रलंबित असून महाविकास आघाडी शासनाकडे पाठपुरावा करून सुद्धा साधी दखल घेतली नाही. परंतू शिवसेना-भाजप युती शासनाने पहिल्याच बैठकीत अनुदान वाढीच्या प्रस्ताव तात्काळ मार्गी लावण्याचे आश्वासन दिले होते. त्यानुसार अनुदानात वाढ करण्यात आली आहे. ग्रंथालयांचे सर्व प्रश्न येत्या दोन वर्षात निश्चित पूर्ण होतील अशी सर्वांना अपेक्षा आहे. मुख्यमंत्री एकनाथराव शिंदे,उपमुख्यमंत्री देवेंद्रजी फडणवीस यांचे महाराष्ट्रातील सर्व ग्रंथालय कर्मचारी आणि महाराष्ट्र ग्रंथालय संघचे अध्यक्ष पी एम पाटील सर, रवींद्र पाटील, रावसाहेब पाटील, योगेश पी.पाटील,नंदु पाटील आदींनी आभार मानले आहेत.
