पाचोरा (प्रतिनिधी) एका ४१ वर्षीय विवाहितेचे ‘नग्न ‘ छायाचित्रे व्हायरल करण्याची धमकी देत अत्याचार दोघांनी अत्याचार केला. एवढेच नव्हे तर, व्हीडिओ कॉल रिसीव्ह केला नाही म्हणून पिडीतेवर अँसीड फेकण्यासाठी एका अनोळखी इसमाला पाठवले. याप्रकरणी तिघांविरुद्ध पाचोरा पोलिसात गुन्हा दाखल करण्यात आला आहे. दीपक शंकरराव कंखरे, सागर चंदन परदेशी (दोघं रा. पाचोरा)आणि एक अनोळखी व्यक्ती (नाव, गाव, पत्ता माहित नाही) असे संशयित आरोपींचे नाव आहे.
या संदर्भात पिडीत विवाहितेने दिलेल्या फिर्यादीत म्हटले आहे की, संशयित आरोपी दिपक कंखरे याने पिडीतेसोबत जबरदस्ती तीन वेळा शारिरिक संबंध ठेवले. तसेच पिडीतेच्या मुलाला मारण्याची धमकी देवून तिला व्हीडीओ कॉल करुन नग्न अवस्थेतील स्क्रीन शॉट मोबाईलमध्ये काढले. तसेच ते फोटो सागर चंदन परदेशी याला सेंड केले. तर पिडीतेस जीवे मारण्याची धमकी दिली. दिपकचा व्हीडिओ कॉल जर रिसीव्ह केला नाही म्हणून अँसीड फेकण्याकरीता एक अनोळखी व्यक्तीला पिडीतेच्या घरी प्लॉस्टीकची कॅन घेऊन पाठविले. त्या अनोळखी व्यक्तीने तू दिपकचा कॉल रिसीव्ह केला नाही तर, तुझ्यावर अँसीड फेकून देईल, अशी धमकी दिली. एवढेच नव्हे तर, सागर परदेशी याने देखील फिर्यादीचे नग्न अवस्थेतील फोटो व्हायरल करण्याची धमकी देत एक वेळेस शारीरीक संबंध केले. तसेच पिडीतेस मारहाण करुन पोलीस स्टेशनला माझ्याविरुध्द तक्रार दिली तर मी तुझे फोटो व्हायरल करुन देईल, अशी धमकी दिली. या प्रकरणी तिघांविरुद्ध विविध कलमान्वये गुन्हा दाखल करण्यात आला असून दोन संशयिताना अटक करण्यात आली आहे. पुढील तपास पो.नि. प्रताप इंगळे हे करीत आहेत.
पतीच्या मित्रानेच केला विश्वासघात
संशयित आरोपी दीपक कंखरे हा पिडीतेच्या पतीचा मित्र होता. त्यामुळे त्याचे घरी येणे-जाणे होते. यातूनच त्याने पिडीतेचे नग्न फोटो काढले. त्यानंतर ब्लॅकमेलिंग सुरु केली. या अत्याचारामुळे पिडीतेला चांगलाच मानसिक धक्का बसला आहे.
