धरणगाव (प्रतिनिधी) शहरातील तहसील कार्यालयाच्या आवारातील ट्रॅक्टर व ट्रॉली चोरी झाल्याची घटना समोर आली आहे. याप्रकरणी धरणगाव पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात अधिक असे की, तहसिलदार यांच्यातर्फे प्राधिकृत करण्यात आलेला आदेश क्र. गौणख/कावी / ९९ / २०२२ दि. १६ मार्च २०२२ नुसार तहसिल कार्यालय धरणगाव आवारात लावलेले १ लाख ५० हजार रुपये किंमतीचे ट्रॅक्टर क्रमांक (MH १९ BG ६०७१) व ट्रॉली अज्ञात व्यक्तीने चोरी करुन नेले. हे ट्रॅक्टर व ट्रॉली बांभोरी येथील गिरणा नदीपात्रात वाळू चोरी करतांना आढळून आले होते. त्यानंतर वाळू नदीपात्रात खाली करून ट्रॅक्टर व ट्रॉली तहसील कार्यालयात आणण्यात आले होते. याप्रकरणी तलाठी अलताब निझाम पठाण (वय ३३, रा. अनिता नगर, धरणगाव) यांनी दिलेल्या फिर्यादीवरून धरणगाव पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास सहा. फौ योगेश जोशी करीत आहेत. दरम्यान, हे ट्रॅक्टर-ट्रॉली चोरट्याने चोरून नेले की मुद्दाम चोरी करू देण्यात आले?, याबाबत गावात खमंग चर्चा सुरु आहे.
