चाळीसगाव (प्रतिनिधी) – शहरातील रेकॉर्डवरील गुन्हेगारांविरोधात चाळीसगाव शहर पोलिसांनी १३ ऑगस्टला सकाळपासून विशेष मोहीम राबवत धडक कारवाई केली. शहरातील विविध ठिकाणी केलेल्या तीन कारवाईंमध्ये दोन गावठी कट्टे, सहा जिवंत काडतुसे, धारदार चाकू, तलवार, २५ मोबाईल फोन आणि तीन दुचाकी असा एकूण ५ लाख ५८ हजार ३०० रुपयांचा मुद्देमाल जप्त करण्यात आला आहे.
जिल्हा पोलीस अधीक्षक श्रीकांत धिवरे, अपर पोलीस अधीक्षक अशोक नखाते, उपविभागीय पोलीस अधिकारी विजयकुमार ठाकूरवाड यांच्या मार्गदर्शनाखाली पो.नि. अमितकुमार मनेळ यांच्या नेतृत्वाखाली ही विशेष मोहीम राबवण्यात आली. शहर पोलीस ठाण्याच्या रेकॉर्डवरील २५ आरोपींची तपासणी करण्यासाठी पोलिसांची विविध पथके सकाळी ६ वाजता रवाना करण्यात आली होती. दरमयन, स्वामी समर्थ नगरमधील रेकॉर्डवरील आरोपी प्रथमेश लक्ष्मण भामरे याच्या घराची झडती घेतली असता पोलिसांना दोन गावठी कट्टे, सहा जिवंत काडतुसे आणि एक धारदार चाकू असा एकूण ७२ हजार ३०० रुपयांचा मुद्देमाल मिळाला. पोलिसांनी पंचनामा करून मुद्देमाल जप्त केला. याप्रकरणी चाळीसगाव शहर पोलीस ठाण्यात गुन्हा दाखल करण्यात आला आहे. तर, सुवर्णाताई नगरमधील रेकॉर्डवरील आरोपी दीपक सुभाष मरसाळे याच्या घरी पोलीस पथक झडतीसाठी पोहोचले असता तो घरी आढळला नाही. मात्र, त्याचा भाऊ संदीप मरसाळे हा घरी मिळाला. तेथे घरासमोर तीन दुचाकी तसेच विविध कंपन्यांचे २५ मोबाईल असा एकूण ४ लाख ८६ हजारांचा मुद्देमाल आढळला. पोलिसांनी पंचनामा करून हा मुद्देमाल जप्त केला असून, संदीप मरसाळे याच्याविरुद्ध गुन्हा दाखल केला आहे. तसेच जहागीरदारवाडी येथील रेकॉर्डवरील आरोपी जयेश किरणसिंग राजपूत याच्या घराची झडती घेतली असता तेथे तलवार आढळली. पोलिसांनी पंचनामा करून तलवार जप्त केली. याप्रकरणी आरोपीविरुद्ध शस्त्र अधिनियमासह संबंधित कलमान्वये गुन्हा दाखल करण्यात आला आहे.
पोलिसांची गुन्हेगारांवर करडी नजर
या तिन्ही कारवाईमुळे शहराती रेकॉर्डवरील गुन्हेगारांमध्ये खळब उडाली असून, पोलिसांनी गुन्हेगा प्रवृत्तीच्या व्यक्तींवर लक्ष केंद्रि केल्याचे दिसून आले. ही कारव पो.नि. अमितकुमार मनेळ, पो.उ.नि संदीप घुले, पो.उ.नि. कुणाल चव्हा तसेच राहुल सोनवणे, ज्ञानेश्व पाटोळे, नीलेश पाटील, समीर पाटीव मालती बच्छाव, राकेश महाजन योगेश मांडोळे, दत्तू साळवे, प्रवी पवार, विकास पाटील, कल्पेश पगारे, दिलीप राक्षे, मोहन सूर्यवंड यांनी केली. शहरातील रेकॉर्डवरी गुन्हेगारांवर पोलिसांची करडी नज असून, आगामी काळातही अशा विशेष मोहिम राबवणार असल्याचे पोलिसांकडून सांगण्यात आले.
