धरणगाव (प्रतिनिधी) तालुक्यातील पिंप्री शिवारात दोन वाहनांमध्ये समोरासमोर झालेल्या अपघातात चार जखमी झालेत. या प्रकरणी धरणगाव पोलिसात छत्रपती संभाजी नगर येथील एकाविरुद्ध गुन्हा दाखल करण्यात आला आहे.
अजय लक्ष्मण मन्साराम महाजन (वय ३५ धंदा ड्रायव्हर रा. माळीवाडा, एरंडोल) यांनी दिलेल्या फिर्यादीत म्हटले आहे की, दि. ११ एप्रिल रोजी पहाटे साडेचार वाजेच्या सुमारास पिंप्री ते चिंचपुरा दरम्यान वळण रस्त्यावर पिंप्री शिवारातील वळणावर दादाराव बाबूराव अहिरे (रा. जैनोहीन कलनी सिल्लोड छत्रपती संभाजी नगर) याने आपल्या ताब्यातील अशोक लेलन्ड कंपनीची गाडी (क्र MH२०EL७११८) भरधाव वेगात चालवत आणत विरुद्ध दिशेने येत आपल्या महेंद्रा पीक गाडी (क्र. MH१९BM३४५९) हिला समोरुन जोराने ठोस मारली. त्यातमुळे गाडी पलटी होत उमेश देविदास धामने व रावसाहेब एकनाथ चौधरी यांना किरकोळ मार लागला. तर समोरच्या वाहनातील अहिरेसह त्याच्या गाडीतील एक जण देखील जखमी झाला. या प्रकरणी दादाराव अहिरे विरुद्ध विविध कलमान्वये गुन्हा दाखल करण्यात आला असून पुढील तपास पोलीस निरीक्षक उद्धव ढमाले यांच्या मार्गदर्शनाखाली स.फौ. राजेद्र कोळी हे करीत आहेत.
