मुंबई (वृत्तसंस्था) अंडरवर्ल्ड डॉन दाऊदच्या जवळच्या साथीदारस ठाणे खंडणी विरोधी पथकाने अटक केली आहे. इजाज लकडावाला असं या आरोपीचे नाव आहे. २००३ मध्ये लकडावाला दाऊद इब्राहिम गँगच्या हल्ल्यात मारला गेल्याची अफवा पसरली होती. मात्र लकडावाला त्या हल्ल्यात थोडक्यात बचावला होता.
कल्याणमधील दूध व्यावसायिकाकडे २ कोटींची खंडणी मागणाऱ्या अंडरवर्ल्ड डॉन दाऊदच्या जवळच्या साथीदारास ठाणे खंडणी विरोधी पथकाने अटक केली आहे. २०२० साली मुंबई पोलिसांच्या गुन्हे शाखेने कारवाई केली त्यावेळी लकडावालाने नेपाळ मार्गे पाटणा गाठले. येथे जक्कनपूर पोलिसांच्या मदतीने मुंबई पोलिसांनी त्याला अटक होती. २० वर्षांपासून फरार लकडावाला मुंबईतील मोस्ट वॉन्टेड गुंडांपैकी एक होता आणि त्याच्यावर २५ हून अधिक गुन्हे दाखल आहेत. बिहार एसटीएफच्या सहकार्याने त्यावेळी पाटणा येथे लकडावाला अटक केली होती. लकडावालावर खून, खंडणी असे अनेक गुन्हे दाखल आहे. खंडणी आणि इतर देशद्रोही खटल्यांच्या चौकशीसाठी मुंबई पोलिसांनी लकडावालाच्या मुलीला अटक केली होती. एजाजच्या मुलीची चौकशी केल्यानंतर पोलिसांना बरीच माहिती हाती लागली होती. यावेळी माहिती मिळाली की इजाज लकडावा ८ जानेवारी रोजी पाटण्यात येणार आहे. यानंतर पाटणा पोलिसांच्या मदतीने एजाजला अटक करण्यात आली होती. पोलिसांच्या अटकेपासून दूर राहण्यासाठी लकडावाला अमेरिका, मलेशिया, यूके, नेपाळ येथेही वास्तव्याला आहे.
मुंबईत लकडावाला विरोधात २५ हून अधिक केसेस दाखल आहेत, तर ८० तक्रारी आल्या आहेत. सर्व केसेसचा तपास सुरु आहे. लकडावाला पाटण्यात येणार असल्याची माहिती सूत्रांकडून मिळाल्यानंतर त्याला अटक करण्यात आली.
