चाळीसगाव (प्रतिनिधी) – शहरातील भडगाव रोड परिसरातील गजानन कन्ट्रक्शन येथील बंद घराचे कुलूप तोडून अज्ञात चोरट्यांनी घरातील सोन्याचे दागिने व रोख रक्कम असा २ लाख ५४ हजारांचा ऐवज लंपास केल्याप्रकरणी शहर पोलिस ठाण्यात अज्ञात चोरट्यांविरुद्ध गुन्हा दाखल झाला आहे.
याबाबत गजानन कन्ट्रक्शनमधील चंदन बाळकृष्ण
अमृतकर (वय ६७) यांनी फिर्याद दिली आहे. अमृतकर हे पशुसंवर्धन विभागातून निवृत्त झाले आहेत. दरम्यान, अमृतकर दाम्पत्य ८ जूनला सकाळी पुणे येथे मुलाकडे गेले होते. दरम्यान, २१ जुलैला रात्री त्यांचे शेजारी पंकज काळे यांनी फोन करून घराचे कुलूप तोडले असल्याची माहिती दिली. त्यानंतर शेजाऱ्यांनी घरात पाहणी केली असता
घरातील साहित्य अस्ताव्यस्त पडलेले आढळले. तर, २३ जुलैला अमृतकर दाम्पत्य व त्यांचा मुलगा परतले. तर, पाहणी केली असता घरातील साहित्य अस्ताव्यस्त तसेच किचन व बेडरूममधील लोखंडी कपाटांचे दरवाजे तोडलेले आढळले.
चोरट्यांनी कपाटातील २० हजार रुपये रोख, १५ ग्रॅमचा सोन्याचा नेकलेस,
३४ ग्रॅमची सोन्याची पोत, ग्रॅमची सोन्याची अंगठी, १७ग्रॅमचे सोन्याचे तुकडे तसेच महाराष्ट्र बँकेच्या लॉकरची चावी असा एकूण २ लाख ५४ हजार ३४० रुपयांच ऐवज चोरून नेल्याचे फिर्यादीत नमूद केले आहे. याप्रकरण चाळीसगाव शहर पोलिस ठाण्यात अज्ञात चोरट्यांविरु गुन्हा दाखल करण्यात आल आहे.
