धरणगाव (प्रतिनिधी) शहराच्या पाणीपुरवठा सुरळीत रहावा यासाठी गुळ मध्यम प्रकल्पातून पहिले आर्वतन काल सोडण्यात आले. गुळचे पाणी आज दुपारी तापीच्या धावडा डोहा पर्यंत पोहचले आहे. यामुळे आता मेच्या पहिल्या आठवड्यापर्यंतचे पाण्याचे टेंन्शन दूर झाले आहे. गुळ प्रकल्पाच्या जलसाठ्यात धरणगाव पाणीपुरवठा योजनेचे आरक्षण आहे. येथून दोन आवर्तन शहराला मिळतात. अजून एक आवर्तन सुरक्षीत असल्यामुळे धरणगावकरांची पिण्याच्या पाण्यासाठी भर उन्हाळ्यातील भटकंती टळणार असल्याचा आशावाद नगराध्यक्ष निलेश चौधरी यांनी बोलून दाखविला. पालकमंत्री ना.गुलाबराव पाटील यांच्या दुरदृष्टीमुळेच हे शक्य झाल्याचे नगराध्यक्ष चौधरी म्हणाले.
धरणगाव शहराला तापीच्या धावडा डोहातून पाणी पुरवठा होत असतो. मार्च प्रयत्न या टोहातील पाणी पुरते. मात्र, यानंतर पात्र कोरडे पडल्याने पाणी पुरवठा ठप्प होत असतो. परिणामी गुळ मध्यम प्रकल्पावर धरणगावसाठी दोन आवर्तन राखीव करण्यात आले आहे. गुळ प्रकल्पातून नदीच्या पात्राव्दारे हे पाणी धावडा डोहा पर्यत येत असते. हा डोळ भरला म्हणजे महिनाभर धरणगाव शहराला सुरळीत पाणी पुरवठा होत असतो. अपवादात्मक परिस्थिती निर्माण झाल्यामुळे यंदा अंजनीतूनही शहरासाठी एक आवर्तन मिळाल्यामुळे गुळचे आवर्तन उशिरा घेतल्याचे नगराध्यक्ष निलेश चौधरी यांनी सांगितले.
धावडा येथील पाईपलाईनमधून गाळ काढण्यात आला असल्यामुळे आता एप्रिल आणि मे च्या रणरणत्या उन्हाळ्यात पाणी पुरवठ्यात कोणतीच अडचण येणार नसल्याचे सांगून आज डोहात आलेले पाणी महिनाभर पुरवणार असल्यामुळे पुढचे आवर्तन आता मे महिन्याचा दुसऱ्या आठवड्यात घ्यावे लागले हे पाणी महिनाभर पुरेल परिणामी जुनमध्ये पावसाळा लांबला तरी १५ जून पर्यंत धरणगावकरांना त्यांच्या हक्काचे पाणी पुरवणार असल्याचे निलेश चौधरी यांनी सांगितले.
नागरिकांची निकळ भागू शकेल एवढचं पाणी जुन पर्यंत मिळणार आहे. पाणी जपूनच वापरावे लागणार आहे. नागरिकांना पाणी टंचाईच्या झळा बसू नये यासाठी पालकमंत्री ना. गुलाबराव पाटील, जि.प.सदस्य प्रताप पाटील, गुलाबराव वाघ हे स्वत: लक्ष ठेवून आहेत. गटनेते पप्पू भावे, उपनगराध्यक्षा सौ.कल्पना महाजन व सर्व नगरसेवक, पाणी पुरवठा कर्मचारी परिश्रम घेत आहे. वैयक्तीक माझी २४ तास यासंपूर्ण यंत्रणेवर लक्ष आहे. नागरिकांनी पाण्याचा जपून वापर करून पालिकेला सहकार्य करावे, असे आवाहन शेवटी नगराध्यक्ष निलेश चौधरी यांनी केले आहे.
