अमळनेर (प्रतिनिधी) खा.शि.मंडळाच्या डी आर कन्या शाळेत शैक्षणिक वर्षाच्या पहिल्या दिवशी शाळेत आलेल्या सर्व विद्यार्थिनींचे स्वागत करण्यात आले. यावेळी शाळेत नवीन दाखल झालेल्या विद्यार्थिनींचे रांगोळ्या काढून, औक्षण करून, गुलाब पुष्प देऊन तसेच फुलाच्या पाकळ्यांचा वर्षाव करत स्वागत करण्यात आले.
पहिल्या दिवशी सर्व विद्यार्थिनींना मोफत पाठ्युस्तके देखील देण्यात आले.यावेळी उपस्थित महिला व पुरुष पालक यांचे देखील शाळेमार्फत पुष्पगुच्छ देऊन स्वागत करण्यात आले.मागील वर्षी शिष्यवृत्ती परीक्षेत पात्र झालेल्या भाविका वाल्हे, घनिका मालुसरे यांचा सत्कार करण्यात आला.शाळेच्या पर्यवेक्षिका एस पी बाविस्कर मॅडम यांनी विद्यार्थ्यांनीना पाचशे सेट रिबीन चे वाटप केले. कला विभागातर्फे शालेय परिसरातकरण्यात आलेल्या सजावटीचे व फलक लेखनाचे सर्वत्र कौतुक झाले.याप्रसंगी शाळा समिती चेअरमन प्रदीप अग्रवाल, प्र.मुख्याध्यापक सी.एस. पाटील,पर्यवेक्षक एस.पी.बाविस्कर,पर्यवेक्षक डी. एम दाभाडे,शिक्षक प्रतिनिधी व्ही. एम.कदम ,कला शिक्षक साखरलाल माळी तसेच सर्व शिक्षक शिक्षकेतर बंधु भगिनी उपस्थित होते. सूत्रसंचालन डी. एन. पालवे तर आभार के एस मोरे यांनी मानले. सकाळ विभागाचा कार्यक्रम सकाळी तर दुपार विभागाचा कार्यक्रम दुपारच्या सत्रात घेण्यात आला.
