मुंबई (वृत्तसंस्था) व्हीप म्हणजे काय आणि त्याचे उल्लंघन करणाऱ्या आमदारांवर काय कारवाई केली जाते?. जेव्हा फ्लोर टेस्ट असते तेव्हा पक्ष आपल्या आमदारांना व्हिप जारी करतो. प्रत्यक्षात आमदारांना क्रॉस व्होटिंग करू नये म्हणून व्हीप जारी केला जातो. विधानसभेत मुख्यमंत्री एकनाथ शिंदे यांनी बहुमत सिद्ध केले आहे. त्यामुळे आता शिंदे गट की शिवसेना? नेमक्या कोणत्या गटावर कारवाई होणार?, या प्रश्न उपस्थित होत आहे.
शिवसेना आणि शिंदे गट दोघांचीही एकमेकांच्या विरोधात कारवाई
शिवसेना कुणाची? यावरुन सध्या मुख्यमंत्री एकनाथ शिंदे आणि शिवसेनेत वाद सुरु आहे. मुख्यमंत्री एकनाथ शिंदे यांनी आमचीच खरी शिवसेना असा दावा केला आहे. तर याबाबतची कायदेशीर लढाईल सुरुच आहे, असे शिवसेना म्हणतेय. दुसरीकडे एक दिवसापूर्वी विधानसभा अध्यक्षपदाच्या निवडणुकीत शिंदे गटाने बाजी मारली होती. सभापती राहुल नार्वेकर यांनीही एकनाथ शिंदे यांना नेता म्हणून मान्यता दिली आहे. शिवसेनेकडून अजय चौधरी यांची विधीमंडळ पक्षनेते करण्यात आली. उद्धव गटातील सुनील प्रभू यांची मुख्य व्हीप पदावरून हकालपट्टी करण्यात आली आहे. विधानसभेत बहुमत सिद्ध झाल्यानंतर शिवसेना आणि शिंदे गट दोघांनीही एकमेकांच्या विरोधात कारवाई केली आहे. आता न्यायालय काय निर्णय देतो याकडे सर्वांचं लक्ष लागलं आहे.
किती प्रकारचे आहेत व्हीप आणि कोणकोणते ?
व्हिपचे तीन प्रकार आहेत – एक लाइन व्हिप, दोन ओळींचा व्हिप आणि तीन ओळींचा व्हिप. वन लाईन व्हिपमध्ये सदस्यांना मतदान करण्याची माहिती दिली जाते. या स्थितीत पक्षाचे सदस्य स्वतःचा निर्णय घेऊ शकतात. त्याला एक व्हिप म्हणतात. दोन ओळींच्या व्हिपमध्ये सभासदांना मतदानाच्या वेळी सभागृहात उपस्थित राहण्याच्या सूचना देण्यात येतात. त्यामध्ये मतदानासाठी विशेष सूचना देण्यात येतात. तीन ओळींच्या व्हिपमध्ये सदस्यांना पक्षानुसार मतदान करण्यास सांगितले जाते. हा सर्वात यशस्वी व्हिप मानला जातो. व्हीपचे उल्लंघन केल्यास पक्षांतर विरोधी कायद्यांतर्गत सभागृहातून बडतर्फी होऊ शकते.
