चाळीसगाव प्रतिनिधी – मध्ये आज दि २८ रोजी शहर विकास आघाडीच्या वतीने शिवसेनेचे आमदार व चाळीसगाव विधानसभा प्रभारी किशोर पाटील यांची सभा होत आहे. मात्र किशोर पाटील यांच्या भूमिकेमुळे स्थानिक शिवसेना कार्यकर्ते कमालीचे अस्वस्थ झाले आहे. त्याचं कारण हे तसंच आहे. ज्या वार्डामध्ये किशोर पाटील यांच्या सभा होत आहे तेथे शिवसेनेचे उमेदवार उभे आहेत मात्र किशोर पाटील शहर विकास आघाडीचा प्रचार करण्यासाठी येत आहेत हे त्याहून आश्चर्याची बाब म्हणावी लागेल. फक्त मंगेश चव्हाण यांना विरोध म्हणून किशोर पाटील यांच्या या व्यक्ति द्वेष भूमिकेमुळे चाळीसगावचे कार्यकर्ते मात्र संभ्रमात पडले असून कोणता झेंडा घेऊ हाती असा कार्यकर्त्यांना प्रश्न पडला आहे. चाळीसगाव नगर परिषदेमध्ये शिंदे गटाचे ६ उमेदवार उभे असून त्यांच्या प्रचारासाठी शिंदे सेनेचे नेते आमदार किशोर पाटील हे येत नसून फक्त मंगेश चव्हाण यांच्या विरोधासाठी ते शहर विकास आघाडीच्या व्यासपीठावर जाणार आहेत. त्यामुळे शिंदे सेनेच्या उमेदवारांची चांगलीच गोची झाली असून किशोर पाटील यांच्या भूमिकेमुळे स्थानिक कार्यकर्ते अस्वस्थ झाले आहेत.
विशेष म्हणजे ज्या ठिकाणी सभा आयोजित केल्या आहेत त्या परिसरातील विकास कामे हे आमदार मंगेश चव्हाण यांनी केले आहेत, आता त्याच विकास कामांच्या ठिकाणावरून ते आमदार मंगेश दादांवर काय? बोलणार असाही प्रश्न आता शहरांमध्ये उपस्थित केला जाऊ लागला आहे . मात्र आमदार किशोर पाटील यांच्या दुटप्पी भूमिकेमुळे स्थानिक कार्यकर्त्यांमध्ये कमालीची अस्वस्थता असून पक्षाकडे वरिष्ठांना या संदर्भात तक्रार करणार असल्याचे बोलले जात असल्याची दबक्या आवाजात चर्चा शहरात सुरू आहे. विशेष म्हणजे उबाठा गटाच्या ज्या उन्मेष पाटलांवर किशोर पाटील यांनी विधानसभा लोकसभा निवडणुकीत आरोप केले होते त्याच उमेश पाटलांच्या मांडीला मांडी लावून ते व्यासपीठावर बसणार का ? असा देखील प्रश्न आता उपस्थित होऊ लागला आहे. मात्र त्यांच्या या भूमिकेमुळे शहरवासियांची मात्र नक्कीच करमणूक होणार आहे हे तितकेच खरे.
