जळगाव ( प्रतिनिधी ) – पोलिसात तक्रार केल्याच्या कारणावरुन विवाहितेच्या घरात शिरुन तिला सात ते आठ जणांनी मारहाण केली. तसेच तिच्या मनास लज्जा निर्माण होईल असे कृत्य करीत विनयभंग केला. ही घटना दि. १७ रोजी दुपारच्या सुमारास जळगाव तालुक्यातील एका गावात घडली. याप्रकरणी आठ जणांविरुद्ध तालुका पोलीसात गुन्हा दाखल करण्यात आला आहे.
तालुक्यातील एका गावात २१ वर्षीय विवाहिता वास्तव्यास आहे. त्यांच्या गावातील ग्रामपंचायतीच्या गावठाण जागेवर भांडण झाल्यामुळे दि. १७ एप्रिल रोजी त्या विवाहितेने पोलिसात तक्रार दिली होती. त्या कारणावरुन सात ते आठ जण विवाहितेच्या घरात शिरले. त्यांनी तिला बाहेर ओढून मारहाण केली. तसेच तिच्यासोबत अश्लिल कृत्य करुन तिच्या मनास लज्जा उत्पन्न केली. दरम्यान, महिलेने दि. १८ एप्रिल रोजी तालुका पोलिसात तक्रार दिली. त्यानुसार संशयित गोरख गोकुळ सोनवणे, दीपक गोपीचंद सोनवणे, संजय किसन सोनवणे, योगेश गोपीचंद सपकाळे, सिंधूबाई सोपान सोनवणे, मनिषा योगेश सपकाळे, मंगलाबाई गोपीचंद सपकाळे, मंगलाबाई दीपक सोनवणे यांच्याविरुद्ध गुन्हा दाखल करण्यात आला आहे. तपास पोहेकॉ नरेंद्र पाटील हे करीत आहे.
