जळगाव (प्रतिनिधी) – वकीलाला भेटवून देतो असे म्हणत घरी बोलावून विवाहितेवर | घरात कोणीही नसतांना जबरदस्तीने अत्याचार केला. त्यानंतर वेळोवेळी विवाहितेला लग्नाचे अमिष दाखवून तिच्यासोबत शारिरीक संबंध ठेवून तिला संशयित राहुल विजय सुर्यवंशीने मारहाण करीत दमदाटी केली. ही घटना दि. २१ जून २०२४ ते दि. १८ मार्च २०२६ दरम्यान घडली. याप्रकरणी पीडित महिलेने दि. २९ जून रोजी जिल्हापेठ न पोलिसात तक्रार दिली असून अत्याचार करणाऱ्या संशयित राहुल विजय सुर्यवंशी (वय ३८, रा. अजय कॉलनी) याच्यासह कविता तायडे, विजय सुर्यवंशी, दुर्गा 5 सुर्यवंशी (सर्व रा. अजय कॉलनी रिंगरोड) यांच्याविरुद्ध गुन्हा दाखल करण्यात आला आहे.
शहरातील जिल्हा क्रिडा संकुल येथील स्विमींग पुलाचे ठेकेदार राहुल सुर्यवंशी याने स्विमींगसाठी येणाऱ्या महिलेला नोकरीस लावले. दरम्यान, मे २०२४ मध्ये पीडतेने तेथे काम केल्यानंतर संशयित ठेकेदार हा तिच्यासोबत अंगलट करण्याचा प्रयत्न करीत होता. तसेच पीडितेचे पतीसोबत
घरगुती वाद असल्याचे सुर्यवंशी याला माहिती पडल्यानंतर त्याने गैरफायदा घेत मी तुला वकीलाला भेटवून देतो असे सांगून दि. २१ जून २०२४ रोजी त्याचया अजय कॉलनीतील घरी बोलवले. तसेच घरात कोणीही नसल्याची संधी साधत ठेकेदार राहुल सुर्यवंशी याने पीडितेवर बळजबरीने अत्याचार केला. दरम्यान, पीडितेने त्याला विरोध केला असता, त्याने तुझा घटस्फोट झाल्यानंतर आपण दोघेही लग्न करुन असे आश्वासन दिल्यामुळे पीडिता तेथून निघून गेली.
मरुन जाण्याची धमकी देत पीडितेला मारहाण
संशयित ठेकेदार राहुल सुर्यवंशी याने पीडितेचा विश्वास निर्माण करुन त्याने वेळोवेळी पीडितेवर अत्याचार केले. तसेच तो स्वतः मरुन जाण्याची धमकी देत पीडितेवर दबाव आणत होता. फेब्रुवारी २०२६ मध्ये संशयित सुर्यवंशी याचे एका महिलेसोबत अफेअर असून तो धोका असल्याचे पीडितेला समजले. त्यानंतर पीडीतेला कोल्हे नगर परिसरात भेटायला बोलावून तिला रस्त्यावर लाथाबुक्क्यांनी मारहाण केली होती.
दबाखाली करावा लागतोय संसार
ठेकेदार राहुल सुर्यवंशी हा वेळोवेळी पीडितेचा पाठलाग करीत होता. याचवेळी पीडितेला शंका आल्याने तीने त्याच्यासोबत बोलणे बंद केले. तर अधूनमधून भेटल्यानंतर पीडितेला तुझेच बाहेर अफेअर असेल म्हणून तू माझ्यासोबत बोलत नाही असे म्हणत होता. तसेच मी घरच्यांच्या दबावाखाली संसार करावा लागत असल्याचे पीडितेने दिलेल्या तक्रारीत म्हटल आहे.
समजूत काढून पोलीस ठाण्यातून गेला घेवून
पीडिता ही तक्रार देण्याकरीता जिल्हापेठ पोलीस ठाण्यात आली असता, संशयित राहुल सुर्यवंशी याने तीची समजूत काढून मी तुझ्याशी लग्न करेल असे सांगून तिला पोलीस ठाण्यातून घेवून गेला होता. त्यानंतर दि. १८ मार्च रोजी पीडितेला दुकानावर बोलावून तिला शिवीगाळ करीत दमदाटी केली. दरमयान, संशयिताच्या परिसरातील कविता तायडे, विजय सुर्यवंशी व दुर्गा सुर्यवंशी यांना बोलावून
घेत दमदाटी केली. तसेच फोटो व्हायरल करण्याची धमकी देवून तो पीडीतेची फसवणुक करीत होता. अखेर त्रास असह्य झाल्यामुळे पीडितेने जिल्हापेठ पोलिसात तक्रार दिली असून त्यानुसार अत्याचार केल्याप्रकरणी गुन्हा दाखल करण्यात आला आहे. तपास उपनिरीक्षक संजय भांडारकर हे करत आहे.
