जळगाव (प्रतिनिधी) जिल्हा प्रशासनाकडून प्राप्त झालेल्या अहवालानुसार जिल्ह्यात आज ५९५ कोरोनाबाधित रुग्ण नव्याने आढळून आले आहेत. तर दुसरीकडे ३०१ रुग्णांनी कोरोनावर यशस्वी मात केली असून आज सहा रुग्णाचा मृत्यू झाला आहे.
जळगाव शहर – २७५, जळगाव ग्रामीण-३३, भुसावळ- ५९, अमळनेर- ०९, चोपडा-४८, पाचोरा-०१, भडगाव-०१, धरणगाव-०६, यावल-०१, एरंडोल-००, जामनेर-३६, रावेर-१४, पारोळा-१८, चाळीसगाव-८१, मुक्ताईनगर-०७, बोदवड-०२, इतर जिल्ह्यातील-०४ असे एकुण ५९५ रूग्ण कोरोनाबाधित आढळून आले आहेत. जिल्ह्यात आतापर्यंत रुग्णांची एकुण संख्या ६५ हजार १३८ पर्यंत पोहचली असून ५८ हजार ८३६ रूग्ण बरे होवून घरी परतले आहेत. तर आज सहा रुग्णाचा मृत्यू झाला आहे. त्यानुसार आतापर्यंत १४१० रुग्णांचे मृत्यू झाले आहेत. तर ४८९२ रुग्ण सध्या उपचार घेताय.
