जळगाव (प्रतिनिधी) येथील राजीव गांधी नगरातील तरूणाने राहत्या घरात गळफास घेवून आत्महत्या केल्याची घटना काल सकाळी उघडकीला आली आहे. याप्रकरणी रामानंद नगर पोलीस ठाण्यात अकस्मात मृत्यूची नोंद करण्यात आली आहे.
यासंदर्भात अधिक असे की, सुधाकर मधुकर नाडे (वय-३५ रा. राजीव गांधी नगर जळगाव) असे मयत तरूणाचे नाव आहे. राजीव गांधीनगरातील सुधाकर नाडे हा हातमजूरी करून आपल्या कुटुंबियाचा उदरनिर्वाह करतो. गेल्या काही दिवसांपासून त्यांच्या घरात वाद सुरू होते. दरम्यान, काल राहत्या घरात सकाळी ८ वाजेच्या पुर्वी सुधाकरने गळफास घेवून आत्महत्या केल्याचे उघडकीला आले. त्याचा मोठा भाऊ बबन नाडे यांनी तातडीन मृतदेह खाली उतरवून त्याला जिल्हा शासकीय रूग्णालयात दाखल केले असता वैद्यकीय अधिकारी डॉ. संदीप पाटील यांनी त्याला मयत घोषित केले. याप्रकरणी रामानंद नगर पोलीस ठाण्यात अकस्मात मृत्यूची नोंद करण्यात आली आहे.
