जळगाव (प्रतिनिधी) – चार वर्षांपासून असलेल्या प्रेमसंबंधातून १९ वर्षीय तरुणीच्या घरात शिरुन संशयित तरुणाने तिला लाथाबुक्क्यांनी मारहाण केली. तसेच दुचाकीच्या चावीने तरुणीच्या पाठीवर मारुन तिला जखमी केले. तसेच तरुणी कोणासोबत बोलते हे तीने सांगितले नाही तर संशयिताने तरुणीच्या घरातच फाशी घेवून तरुणीला मारुन टाकण्याची धमकी दिली. ही घटना दि. २ जून रोजी दुपारच्या सुमारास शहरातील एका परिससरात घडली. याप्रकरणी संशयित तरुणाविरुद्ध तालुका पोलिसात गुन्हा दाखल करण्यात आला आहे.
शहरातील एका भागात १९ वर्षीय तरुणी वास्तव्यास असून ती एका केक शॉपमध्ये काम करुन कुटुंबाचा उदनिर्वाह करते. गेल्या काही वर्षांपासून ती तरुणी संशयित प्रसाद उर्फ प्रेम कमलाकर पाटील याला ओळखत असून त्यांच्यात प्रेमसंबंध होते. मात्र त्यांच्यात वारंवार वाद होत असल्यामुळे गेल्या दोन महिन्यांपासून तरुणीने तरुणासोबत असलेले प्रेमसंबंध तोडले आहे. दरम्यान, दि. २ जून रोजी दुपारी सव्वाबारा वाजेच्या सुमारास तरुणी घरी असतांना तिच्या मोबाईलवर प्रसाद उर्फ प्रेम पाटील याने फोन केला. मात्र तरुणीने फोन न उचलल्याने थोड्यावेळानंतर संशयित प्रसाद हा तरुणीच्या घरी आला.
दुचाकीच्या चावीने पाठीवर दुखापत
तू माझा फोन का उचलत नाहीस असे म्हणत संशयित प्रसाद पाटील याने तरुणीला शिवीगाळ करीत चापटा बुक्क्यांनी मारहाण केली. तसेच तू मला नाही सांगितले तर मी तुला मारुन टाकेल असे म्हणत त्याने हातातील चावीने तरुणीच्या पाठीवर वार केले.
तरुणीच्या आईलाही शिवीगाळ
थोड्यावेळानंतर तरुणीची आई घरी आली असता, संशतिय प्रसाद याने तरुणीसह तिच्या आईला शिवीगाळ केली. ही कोणासोबत बोलते हे जर नाही सांगीतले तर मी तुमच्या घरात फाशी घेवून टाकेल आणि तुमच्या मुलीला सुद्ध मारुन टाकेल अशी धमकी देत तो निघून गेला.
तरुणीवर खासगी रुग्णालयात उपचार सुरु
मारहाण केल्यामुळे तरुणीच्या छाती, पोटात आणि पाठीत दुखत असल्यामुळे तीला तिच्या आईने तात्काळ खासगी रुग्णालयात दाखल केले. दरम्यान, तरुणीने दिलेल्या जबाबावरुन संशयित प्रसाद उर्फ प्रेम कमलाकर पाटील याच्याविरुद्ध गुन्हा दाखल करण्यात आला आहे.
