भुसावळ (प्रतिनिधी) – लग्नाचे आमिष दाखवून तीन वर्षांपासून २१ वर्षीय तरुणीवर अत्याचार केला. ही धक्कादायक घटना शहरात उघडकीस आली. याप्रकरणी तरुणीने बाजारपेठ पोलिसात तक्रार दिली असून त्यानुसार तरुणासह त्याच्या आई-वडीलांविरुद्ध गुन्हा दाखल करण्यात आला आहे.
शहरातील २१ वर्षीय तरुणीची संशयित आदित्य ब्रजेश वत्स याच्याशी ओळख होती. दोघेही पुण्यात शिक्षणासाठी असल्याने त्यांच्यात जवळीक निर्माण झाली. आरोपीने लग्नाचे आश्वासन देत ऑगस्ट ऑगस्ट २०२३ ते जुलै २०२६ दरम्यान, त्या तरुणाने पीडितेवर वेळोवेळी अत्याचार केल्याचा आरोप करण्यात आला आहे. तसेच संशयिताने दि. ३० जून रोजी पल्सर दुचाकी खरेदीसाठी तरुणीकडून ऑनलाइन पद्धतीने सुमारे १ लाख १० हजार रुपयेही घेतले. त्यानंतर दि. १२ जुलै रोजी तरुणीने विवाहाबाबत विचारणा केली असता आरोपीन लग्नास नकार दिला. या घटनेनंतर तरुणीने बाजारपेठ पोलीस ठाण्यात धाव घेत तक्रार दाखल केली त्यानुसार पोलिसांनी आदित्य ब्रजेश वत्स तसेच त्याच्या माता-पित्यांविरोधात संबंधित कलमान्वय गुन्हा नोंदवून पुढील तपास सुरू केला आहे.
