जळगाव (प्रतिनिधी) ट्रान्सपोर्ट कार्यालयात पार्सल देण्यासाठी गेलेल्या मुस्तकीम शेख अलीम शेख (वय २०, रा. सुप्रिम कॉलनी) व प्रफुल्ल कोळी (रा. मोहाडी, ता. जळगाव) यांना दोन जणांनी शिवीगाळ करीत मारहाण केली. तसेच मुस्तकीम यांना लोखंडी पाईपाने मारहाणही करण्यात आली. ही घटना शुक्रवारी दाणाबाजारात घडली. या प्रकरणी शहर पोलिस ठाण्यात गुन्हा दाखल करण्यात आला आहे.
शहरातील सुप्रिम कॉलनीत राहणारे मुस्तकीम शेख अलीम शेख हा तरुण भाटीया मार्केटमधील हार्डवेअरच्या दुकानात कामा आहे. दुकान मालक पवन दांडगे यांनी त्याला दाणा बाजार येथे जावून हिरा धनगर यांच्या ट्रान्सपोर्ट ऑफिसला पार्सल देण्यासाठी सांगितले. त्यामुळे मुस्तकीम हा त्याच्यासोबत काम करणारा प्रफुल्ल कोळी याला घेवून ट्रान्सपोर्ट ऑफिसला आले. यावेळी तेथे काम करणारा कुणाल कांबळे व त्याचा साथीदार यांनी त्याला शिवीगाळ करीत बेदम मारहाण केली. यावेळी कुणाल कांबळे यांनी लोखंडी पाईपने मारहाण करीत दुखापत केली. दरम्यान, तरुणाने रुग्णालयात उपचार घेतल्यानंतर पोलिसात तक्रार दिली. त्यानुसार दोघांविरुद्ध शहर पोलिसात गुन्हा दाखल करण्यात आला आहे.
