धरणगाव (प्रतिनिधी) धरणगाव कृषी उत्पन्न बाजार समिती आवारात नाफेड व राज्य मार्केटिंग फेडरेशन यांच्या संयुक्त विद्यमाने अण्णासाहेब साहेबराव पाटील सहकारी फ्रूट सेल सोसायटी पाळधी ता. धरणगाव यांच्यामार्फत हरभरा खरेदी शुभारंभ आज जिल्हा परिषद सदस्य प्रतापराव पाटील यांच्या शुभहस्ते करण्यात आला.
त्याप्रसंगी धरणगाव तालुका समन्वय समितीचे माजी अध्यक्ष डी. जी. पाटील तसेच जिल्हा परिषद माजी शिक्षण सभापती पी. सी.आबा पाटील, धरणगाव नगर पालिकेचे माजी अध्यक्ष ज्ञानेश्वर महाजन, तसेच पंचायत समितीचे सभापती प्रेम राज पाटील, जिल्हा परिषदचे माजी सदस्य रवी पाटील यांच्यासह तालुक्यातील शेतकरी बांधव उपस्थित होते. अण्णासाहेब साहेबराव पाटील, सहकारी फ्रूटसेल सोसायटी चेअरमन प्रा. एन डी पाटील यांनी नाफेड खरेदी बाजार भाव रुपये 5230 राहील तसेच सर्व शेतकरी बांधवांचा हरभरा संपूर्ण खरेदी केला जाईल याची ग्वाही दिली. प्रथम आणलेल्या शेतकरी बांधवांचा सत्कार पी. सी पाटील व ज्ञानेश्वर महाजन, संजय गांधी निराधार समितीचे सदस्य धनराज माळी, नाटेश्र्वर पवार यांच्या हस्ते करण्यात आला.
सदर कार्यक्रम यशस्वी करण्याकरिता संस्थेचे संचालक रवी पाटील, बाळकृष्ण बोरसे, व्यवस्थापक पी.जी. चौधरी, शैलेश पाटील तसेच बाजार समितीचे सचिव नवनाथ तायडे यांनी यांनी परिश्रम घेतले. जिल्ह्याचे पालकमंत्री नामदार गुलाबराव पाटील व जिल्हा बँकेचे चेअरमन गुलाबराव देवकर तसेच डी.एम. ओ. मगरे यांच्या मार्गदर्शनाखाली धरणगाव तालुक्यात नाफेड मार्फत खरेदी सुरू झालेली आहे. ऑनलाईन नोंदणी केलेल्या शेतकऱ्यांनी जास्तीत जास्त शेतीमाल खरेदी केंद्रावर आणावा असे आव्हान अण्णासाहेब साहेबराव पाटील सहकारी फ्रूटसेल सोसायटी चे चेअरमन प्रा. एन. डी. पाटील यांनी केले आहे.
