अडावद, ता. चोपडा (प्रतिनिधी) येथील कृषी उत्पन्न बाजार समितीच्या अडावद सबयार्डातील व्यापाऱ्याच्या दुकानातून दीड लाखाची चोरी झाली. ही घटना सोमवारी दुपारी अडीच वाजेच्या सुमारास घडली होती. याप्रकरणी पोलिसांनी तात्काळ तपासचक्र फिरवीत अवघ्या अर्ध्या तासात मुद्देमालासह दोन चोरट्यांना अटक केली आहे.
येथील सबयार्डात व्यापारी वर्गासाठी गाळे बांधण्यात आले आहे. यात नितीन दहाड या व्यापाऱ्याचे दुकान क्रमांक ४ आहे. या व्यापाऱ्याने दुकानातील कपाटात शेतकऱ्यांना देण्यासाठी सुमारे दीड लाख ठेवले. कामानिमित्त दुकाना बाहेरील काट्यावर गेले असता अज्ञात चोरट्याने हात साफ करत कपाटातील पोलीस सुमारे दीड लाख रुपये लंपास करत पोबारा केला. ही घटना आज दि. १४ रोजी दुपारी अडीच वाजता घडली. यानंतर व्यापारी नितीन दहाड यांनी दिलेल्या फिर्यादीवरून अडावद अज्ञात ठाण्यात चोरट्याविरुद्ध गुन्हा दाखल करण्यात आला होता.
यानंतर हाय्यक पोलिस निरीक्षक किरण दांडगे यांच्यासह पोलिस कॉन्स्टेबल कादिर शेख, कैलास बाविस्कर, शरीफ तडवी, ज्ञानेश्वर सपकाळे यांच्या पथकाने अवघ्या अर्ध्या तासात गावातील इंदिरा नगर प्लॉट भागात राहणाऱ्या रवींद्र भरत कोळी (वय २२) व शेतकऱ्यांना घनश्याम नवल महाजन (वय १९) या दोघांना जेरबंद केले. या दोघांकडून मुद्देमाल जप्त करून त्यांना अटक करण्यात आली आहे.
