जळगाव (प्रतिनिधी) शिवसेनेचे सहसंपर्कप्रमुख गुलाबराव वाघ यांना मुख्यमंत्री एकनाथ शिंदे यांचा पीए बोलत असल्याच्या नावाखाली धमकी दिल्याप्रकरणी अज्ञात मोबाईल धारकाविरुद्ध गुन्हा दाखल करण्यात आला आहे.
मुख्यमंत्र्यांचा पीए बोलतोय, तुम्ही शिंदेसाहेब आणि जळगाव जिल्ह्यातील शिंदे साहेबांच्या समर्थक आमदारांच्या विरोधात खूप बोलताय. तुम्हाला सोडणार नाही, अशा शब्दात एकाने व्यक्तीने आपल्याला फोनवरून जीवे मारण्याची धमकी माहिती सहसंपर्क प्रमुख गुलाबराव वाघ यांनी यांना दिल्याप्रकरणी जिल्हापेठ पोलीस ठाण्यात अज्ञात मोबाईल धारका व्यक्तीविरुद्ध तक्रार दाखल करण्यात आली आहे.
आज जळगावात शिवसेनेचा आक्रोश मोर्चा आयोजित करण्यात आला होता. दुपारी साधारण अडीच वाजेच्या सुमारास गुलाबराव वाघ हे आपल्या समर्थकांसह छत्रपती शिवाजी महाराजांच्या पुतळ्याजवळ आक्रोश मोर्च्यात सहभागी होत होते. याचवेळी त्यांना एका अज्ञात व्यक्तीने मुख्यमंत्र्यांचा पीए बोलत असल्याचे सांगत, तुम्ही शिंदेसाहेब आणि जळगाव जिल्ह्यातील शिंदे साहेबांच्या समर्थक आमदारांच्या विरोधात खूप बोलताय. तुम्हाला सोडणार नाही. तुम्ही कुठेही भेटलात तर तुम्हाला सोडणार नाही, अशा शब्दात धमकी दिली. त्यावर श्री. वाघ यांनी देखील समोरच्याच्या व्यक्तीला जोरदार प्रतिउत्तर देत समोर येऊन बोला, असे सांगितले. यानंतर आज सायंकाळी पोलीस अधीक्षक डॉ. प्रवीण मुंडे यांची भेट न झाल्यामुळे गुलाबराव वाघ यांनी जिल्हापेठ पोलीस ठाण्यात तक्रार देत अज्ञात मोबाईल धारकाविरुद्ध गुन्हा दाखल केला आहे.
