धरणगाव (प्रतिनिधी) अमळनेर रोड लगत असलेल्या कोर्टाजवळ दोन दुचाकींचा समोरासमोर झालेल्या अपघातात दोघांचा मृत्यू झाल्याची घटना घडली आहे.
या अपघातात एरंडाेल तालुक्यातील मालखेडा येथील नाना तुकाराम सोनवणे (वय ४१) तर धरणगाव येथील कासार गल्लीत राहणारे सागर नाना पाटील (वय ३७) हे दोघं ठार झाले आहेत. नाना सोनवणे ५ सप्टेंबर रोजी सायंकाळी सव्वाचार वाजेच्या सुमारास अमळनेरकडे जात हाेते. तर धरणगाव येथील सागर पाटील (वय ३९) हे अमळनेरकडून येत होते. या दाेन्ही दुचाकींची न्यायालया समाेर धडक झाली. यात नाना तुकाराम साेनवणे हे जागीच ठार झाले. तर सागर पाटील हे गंभीर जखमी झाले. त्यांना उपचारासाठी जळगाव येथे नेत असताना त्यांचा वाटेतच मृत्यू झाला.
