कानपूर (वृत्तसंस्था) मुलगी मध्यरात्री प्रियकराला भेटायला गेल्यामुळे संतप्त झालेल्या बापाने दोघांवर कुऱ्हाडीने प्राणघातक हल्ला चढविला. या हल्ल्यात मुलीचा जागीच मृत्यू झाला. तर तरुण गंभीर जखमी झाला आहे.
कानपूरमध्ये या प्रेमी युगलाचे घर समोरासमोर आहे. दोघांमध्ये दीड वर्षापासून प्रेमसंबंध आहेत. अशातच तरुणी मध्यरात्री आपल्या प्रियकराला भेटायला त्याच्या घरी गेली. मुलाच्या घरच्यांच्या लक्षात ही गोष्ट आल्यानंतर तरुणाचे वडील याबाबतची तक्रार घेऊन मुलीच्या घरी गेले. यानंतर तरुणीचा बाप संतापला आणि त्याने संतापाच्या भरात दोघांवर कुऱ्हाडीचे घाव घातले. मुलीचा यात जागीच मृत्यू झाला. तर तरूण गंभीर जखमी झाला. त्याला तातडीने रुग्णालयात दाखल केले आहे. तो मृत्यूशी झुंज देत आहे. घटनेनंतर मुलीचा बाप फरार झाला आहे. या घटनेने परिसरात खळबळ उडाली आहे.
