जळगाव (प्रतिनिधी) जळगाव पोलिसांनी ४१२ कोटीच्या लुटीचा डाव उधळला याबाबत त्यांचे अभिनंदन. परंतू मनीष भंगाळे हा गुन्हेगार प्रवृत्तीचा व्यक्ती आहे. तो माफीचा साक्षीदार झाला म्हणून त्याचे पूर्वीचे सर्व गुन्हे माफ होत नाहीत. पोलिसांनी त्याच्या यापूर्वीच्या सर्व गुन्ह्याची माहिती पोलिसांनी काढली पाहिजे अशी मागणी भाजपचे ज्येष्ठ नेते एकनाथराव खडसे यांनी केली आहे. एवढेच नव्हे तर हाच मनीष भंगाळे माजी मुख्यमंत्री देवेंद्र फडणवीस यांच्याबरोबर फिरायचा असेही खडसे म्हणाले.
एकनाथराव खडसे म्हणाले की, मनीष भंगाळे हा गुन्हेगारी वृत्तीचा माणूस आहे. त्यानेच दाऊदच्या बायको बरोबर माझा संवाद झाल्याचा खोटा आरोप केला होता. त्याचवेळी त्याला कठोर शिक्षा झाली असती तर आज असा प्रकार घडला नसता. आरोपींवर योग्य वेळी कारवाई झाली नाही तर काय होते? याचे हे उत्तम उदाहरण आहे. हाच मनीष भंगाळे माजी मुख्यमंत्री देवेंद्र फडणवीस यांच्याबरोबर फिरायचा. तसे फोटो देखील मी समोर आणले होते. आता माफीचा साक्षीदार झाला म्हणून काय झालं?, त्याच्या यापूर्वीच्या गुन्ह्याची माहिती पोलिसांनी काढली पाहिजे अशी मागणी भाजपचे ज्येष्ठ नेते एकनाथराव खडसे यांनी केली आहे. दरम्यान, रावेर तालुक्यातील बोरखेडा येथील चार भावंडांच्या हत्याकांडाची घटना गंभीर आहे. यातील एका १४ वर्षाच्या मुलीवर अत्याचार झाल्याची माहिती नुकतीच माहिती समोर आली आहे. ही घटना गंभीर आहे. पोलिसांनी जिल्ह्यातील अवैध धंदे बंद केले पाहिजेत आणि बोरखेडा हत्याकांडातील आरोपींना तात्काळ अटक करण्यात यावी, अशी मागणी भाजपचे ज्येष्ठ नेते एकनाथराव खडसे यांनी केली आहे.
