जळगाव (प्रतिनिधी) चिमुकलीवर अत्याचार करणाऱ्या भडगाव येथील एका नराधमास जळगाव जिल्हा सत्र न्यायालयाने १४ वर्षाची सश्रम कारावासाची शिक्षा सुनावली आहे.
यासंदर्भात अधिक असे की, आरोपी सुभाष हरचंद महाजन याने १८ डिसेंबर २०२० रोजी सकाळी ११.३० वाजेच्या सुमारास पिडीत बालिकेला दुकानावर जाण्याच्या बहाण्याने घरी बोलावत तिच्यावर लैगिंक अत्याचार केला होता. याप्रकरणी भडगाव पोलीस ठाण्यात सुभाष महाजन यांच्या विरोधात पोक्सो कायद्यान्वये गुन्हा दाखल करण्यात आला होता. तपासअधिकारी पोलीस निरीक्षक दत्तात्रय परदेशी यांनी गुन्ह्याचा सखोल तपास करत पुरावे गोळा केले होते. न्यायालयाच्या न्या. आर.जे.कटारिया यांच्या न्यायालयात सरकारपक्षातर्फे एकूण ९ साक्षीदार तपासण्यात आले. पीडीत मुलीची साक्ष यात सर्वात महत्वाची ठरली होती. न्या. कटारिया यांनी आरोपीस दोषी ठरवत १४ वर्षे सश्रम कारावासाची शिक्षा आणि १० हजार रूपये दंडे आणि दंडाची शिका सुनावली. तसेच दंड न भरल्यास दोन महिने अधिकची साधी कैदेची शिक्षा आरोपीला भोगावी लागणार आहे.
