जळगाव (प्रतिनिधी) येथील सुरत रेल्वे लाईन जवळील नवीन मालधक्क्यावर दि. ३ ऑक्टोंबर रोजी रात्री एक दांपत्य फिरायला गेले होते. यावेळी एका अज्ञात दुचाकीस्वाराने दिलेल्या धडकेत पतीचा मृत्यू झाला आहे. याप्रकरणी शहर पोलीस स्थानकात गुन्हा दाखल करण्यात आलाय.
यासंदर्भात शहर पोलीस स्थानकात सुभाष जानकीराम गुजर (रा. राधाकृष्ण नगर, जळगाव) यांनी दिलेल्या फिर्यादीत म्हटले आहे की, दिनांक ३ ऑक्टोबर रोजी रात्री साडेनऊ वाजेच्या सुमारास त्यांना त्यांच्या पत्नीची बहिण वर्षा संभाजी पाटील हिचा फोन आला. तिने सांगितले की, ती व तिचे पती सुरत रेल्वे लाईन जवळील नवीन मालधक्क्यावर फिरण्यासाठी गेले होते. पायी फिरत असताना एक अनोळखी मोटरसायकलस्वार याने पती संभाजी पाटील यांना जोरात धडक दिल्याने ते खाली पडले असून तुम्ही लवकर या ते काहीएक बोलत नाहीय. आम्ही मालधक्क्यावर गेलो असता तेथे लोकांची गर्दी जमलेली होती. आम्ही माझे साडू संभाजी पाटील यांना एका रिक्षात टाकून देवकर सिविल हॉस्पिटल येथे घेऊन गेलो. तेथे डॉक्टरांनी तपासून साडू मयत झाल्याचे सांगितले. याप्रकरणी सुभाष गुजर यांच्या फिर्यादीवरून अज्ञात मोटरसायकल स्वरा विरुद्ध गुन्हा दाखल करण्यात आलेला आहे
