जळगाव (प्रतिनिधी) अज्ञात चोरट्यांनी घरफोडी करत ४० ते ५० हजाराची रोकड आणि २० ग्रॅम सोन्याचे दागिने लंपास केल्याची खळबळजनक घटना शहरातील अक्सानगर परिसरात उघडकीस आली आहे.
अक्सानगर परिसरातील हॉटेल गुलशन ए हिंद या हॉटेलच्या पाठीमागे हारुन मुसा पटेल (वय ५५) यांचे दुमजली घर आहे. नेमही प्रमाणे संपूर्ण पटेल परिवार हे खालच्या घरात झोपले होते. सकाळी मात्र, घरासमोर राहणार्या तरुणाने वरच्या मजल्याची खिडकीची जाळी तुटलेली असल्याची माहिती पटेल परिवाराला दिली. पटेल परीवातील सदस्यांनी वरच्या खोली जावून पाहणी केली असता, किचनजवळील रुमचे दोन्ही लाकडी कपाट उघडलेली होती. तसेच त्यातील तिजोरीचे कुलूप तुटलेले होते. सलमा पटेल यांनी कपाटात पाहणी केली असता, कपाटाच्या तिजोरीत ठेवलेले जारच्या पाण्याच्या व्यवसायाचे जमविलेले ४० ते ५० हजार रुपयांची रोकड, सोन्याचे दागिणे चोरट्यांनी लंपास केल्याचे दिसून आले. या संदर्भात एमआयडीसी पोलिसात गुन्हा दाखल करण्याची प्रक्रिया सुरू आहे.
