जळगाव (प्रतिनिधी) – वेगवेगळ्या प्रकारचे अमिष दाखवून फसवणुकीच्या माध्यमातून स्वीकारलेल्या रकमेपैकी १ कोटी ३० लाख रुपयांची रोकड भुसावळातील इलेक्ट्रीक व्यावसायीक मयुर सुनिल कोळी (रा. मामाजी टॉकीज जवळ, भुसावळ) याने स्वतःसह आपल्या साथीदारांच्या खात्यावर स्विकारली. ही घटना दि.१० ऑगस्ट २०२४ ते दि. २१ जुलै २०२५ दरम्यान वेगवेगळ्या बँक खात्यातून स्विकारली. याप्रकरणी देशभरात अनेक ठिकाणी २३ गुन्हे दाखल असून याप्रकरणी सायबर पोलिसात देखील गुन्हा दाखल करण्यात आला आहे.
सायबर गुन्हेगार संघटीत पद्धतीने गुन्हे करून नागरिकांची वेगवेगळ्या माध्यमातून फसवणूक करीत असल्याचे अनेक घटनांमधून उघड होत आहे. दरम्यान, फसवणुकीतून मिळालेली रक्कम सायबर गुन्हेगार हे वेगवेगळ्या राज्यातील बँक खात्यांमध्ये स्विकारुन ते पैसे एजंटच्या बँक खात्याद्वारे फिरवित असल्याचे पोलिसांच्या तपासात समोर आले आहे. अशाच प्रकारे मनी ट्रेल, म्युअल बँक खाते यासह धनादेश, एटीएमद्वारे कॅश विड्रॉलच्या डेटाची माहिती महाराष्ट्र सायबरकडून प्राप्त झाली होती. त्यामध्ये भुसावळ येथील काही बँक खाते असल्याचे आढळले. त्यानुसार जळगाव सायबर पोलिसांनी सदर खात्याची माहिती काढली असता हे खाते भुसावळ येथील शार्प इलेक्ट्रीकलच्या नावाने असून मयूर सुनील कोळी असे खातेधारकाचे नाव असल्याचे समोर आले होते.
सायबर पोलिसात गुन्हा दाखल
हा प्रकार समोर आल्यानंतर सायबर पोलिसांनी स्वतः जळगावात स्वतंत्र तक्रार दाखल केली. या सायबर पोलिस ठाण्याचे उपनिरीक्षक गणेश अहिरे यांनी सायबर पोलि ठाण्यात दिलेल्या फिर्यादीवरू मयूर कोळी याच्याविरु गुन्हा दाखल करण्यात आल आहे.
व्यावसायिक सायबर गुन्हेगारी टोळीचा सदस्य
इलेक्ट्रीक व्यावासायीक असलेल्या मयूर कोळी याच्या खात्याची माहिती सायबर पोलिसांनी काढली असता सायबर फसवणुकीच्या व्यवहारातून त्याने वेगवेगळ्या खात्यांमधून १ कोटी ३० लाख ८८ हजार १९० स्वीकारल्याचे समोर आले. इतकेच नव्हे तो सायबर गुन्हेगारी टोळीचा सदस्य असून त्याच्यासह इतर साथीदारांविरुद्ध देशातील २३ जणांनी सायबर फसवणुकीची तक्रार केल्यावरून गुन्हे दाखल आहेत
