बोदवड (प्रतिनिधी) शहरातून सफरचंदाच्या पेट्यांनी भरलेली ॲपे रिक्षा चोरट्याने शहरातील गांधी चौकातील डॉक्टर कांजळे यांच्या दवाखान्याजवळून लांबवल्याची घटना घडली आहे.
तक्रारदार शेख जाकीर शेख मसुद (जुना गाव परिसर सागवन जिल्हा बुलढाणा) यांनी गांधी चौकात अॅपेरिक्षा (एम एच 28 टी . 1977) ही बुधवारी दि.21 रोजी गांधी चौकात उभी केली होती. या वाहनात २० हजार रुपये किमतीच्या 17 सफरचंदाच्या पेट्या ठेवण्यात आल्या होत्या. मात्र अज्ञात चोरट्याने बुधवारी चार ते साडेपाच दरम्यान ॲपरीक्षा लांबवली, अशी तक्रार दिल्याने रिक्षा ९० हजार रुपये ,व सफरचंद २० हजार रुपये किमतीचा ऐवज चोरी गेल्याची तक्रार पोलीस ठाण्यात नोंदवण्यात आली असून पुढील तपास पो.नाईक शशिकांत शिंदे करीत आहे.
