धरणगाव (प्रतिनिधी) तालुक्यातील चिंचपूराजवळ कार आणि आयशरमध्ये झालेल्या भीषण अपघात एक तरुण ठार तर दोन जण जखमी झाले आहेत. हा अपघात गुरुवारी रात्री साडेआठ वाजेच्या सुमारास झाला होता.
पोलीस सूत्रांनी दिलेली माहिती अशी की, गुरुवारी रात्री साडेआठ वाजेच्या सुमारास चिंचपुराजवळ आयशर (एम.एच. १९ झेड. ९००२) आणि वॅग्णर कार (क्र एम.एच.०४,डी.बी. ५९४१) हे सामोरा समोर एकमेकाला धडकले. या अपघातात कारमधील नरेश पाटील (वय ३० हिरापूर ता. पारोळा) हा तरुण जागीच ठार झाला तर समाधान पाटील (रा.तांडा खडके ता. एरंडोल) हे जखमी झाला आहे. तसेच आयशर चालक देखील जखमी झाला असून त्याच्यावर धरणगाव ग्रामीण रुग्णालयात उपचार सुरु आहेत. दरम्यान, घटनेची माहिती मिळताच धरणगाव पोलिसांनी घटनास्थळी धाव घेतली होती.
