जळगाव (प्रतिनिधी) शहरातील लाड वंजारी मंगल कार्यालयातून एका महिलेच्या ६० हजार रुपये किंमतीचे सोन्याचे मंगळसूत्र अज्ञात चोरट्यांनी चोरून नेल्याची घटना रविवारी १८ ऑगस्ट रोजी रात्री ८ वाजता घडली आहे. याप्रकरणी मंगळवारी २० ऑगस्ट रोजी रात्री ८ वाजता रामानंदनगर पोलीस ठाण्यात गुन्हा दाखल करण्यात आला.
छाया गुलाबराव सिसोदे (वय-४७ रा. रामेश्वर कॉलनी, जळगाव), या महिला आपल्या परिवारासह वास्तव्याला आहे. रविवारी १८ ऑगस्ट रोजी रात्री ८ वाजेच्या सुमारास महिला ह्या जळगाव शहरातील लाडवंजारी मंगल कार्यालयात कामाच्या निमित्ताने आलेल्या होत्या. त्यावेळी अज्ञात चोरट्याने त्यांच्याजवळील ६० हजार रुपये किमतीचे सोन्याचे मंगळसूत्र चोरून नेले. ही घटना त्यांच्या लक्षात आल्यानंतर त्यांनी सर्वत्र शोध घेतला. परंतु त्यांच्या मंगळसूत्रांबाबत कुठलीही माहिती मिळाली नाही. अखेर त्यांनी मंगळवारी २० ऑगस्ट रोजी रात्री ८ वाजता रामानंदनगर पोलिस ठाण्यात धाव घेवून तक्रार दिली. त्यानुसार अज्ञात चोरट्यांवर गुन्हा दाखल करण्यात आला. या घटनेचा पुढील तपास पोलीस नाईक रेवानंद साळुंखे करीत आहे.
