पाचोरा (प्रतिनिधी) शहरातील एका भागातील नऊ वर्षीय बालिकेवर नातेवाईक असलेल्या 18 वर्षीय तरुणाने वारंवार अत्याचार केल्याची घटना संतापनजक घटना उघडकीस आली आहे. या प्रकरणी पाचोरा पोलिसात अल्पवयीन पीडीतेच्या आईने दिलेल्या तक्रारीअंती गुन्हा दाखल करण्यात आला असून आरोपी तरुणाला अटक करण्यात आली.
नऊ वर्षीय बालिकेचे आई-वडील बाहेरगावी गेल्याने बालिकेस याच परीसरात राहणार्या आपल्या नातलगांकडे ठेवण्यात आले होते. रविवारी दुपारी बालिका व तिचा नातलग असलेला युवक घरात एकटे असल्याने त्याचा फायदा घेऊन बालिकेवर मे २०२३ पासून वेळोवेळी आतापर्यंत अतिप्रसंग करण्यात आला.
भयभीत झालेल्या बालिकेने आपबिती सांगितल्यानंतर सायंकाळी पोलिसात पीडीतेच्या आईने दिलेल्या तक्रारीनंतर आरोपीविरोधात पोस्कोअंतर्गत गुन्हा दाखल करण्यात आला असून संशयितास अटक करण्यात आली आहे. पुढील तपास पोलीस निरीक्षक राहुल खताळ यांच्या मार्गदर्शनाखाली पोलीस उपनिरीक्षक योगेश गणगे हे करीत आहेत.
