धरणगाव (प्रतिनिधी) दि. ८ मार्च २०२१ रोजी धरणगाव नगरपरिषदेवर पाण्यासाठी अर्धनग्न निषेध मोर्चा भारतीय जनता पार्टीतर्फे काढण्यात येणार आहे.
शहरातील पाण्याची परिस्थिती दिवसेंदिवस बिकट होत आहे. गेले २० ते २२ दिवसापासून धरणगाव शहरात नळाला पाणी आलेले नाही, सध्या लग्न समारंभ व विविध कार्यक्रम शहरातील नागरिकांकडे आहेत, त्यात पाण्याच्या तुटवडामुळे नागरीक बेहाल झाले आहेत, मागील वेळेस भारतीय जनता पार्टीने पाण्यासाठी जनआक्रोश हंडा मोर्चा काढण्यात आला होता. तरी देखील सुस्त प्रशासन व सत्ताधारी नगराध्यक्ष, नगरसेवक लोकांची जाणीव पूर्वक हाल करत आहेत. झोपलेल्या कुंभकर्नाला जागे करण्यासाठी पुन्हा एकदा भारतीय जनता पार्टीतर्फे उद्या अर्धनग्न निषेध मोर्चा काढण्यात येणार आहे.
