जळगाव (प्रतिनिधी) बीएचआर आर्थिक घोटाळा प्रकरणात पुण्यातील तीन पोलिस ठाण्यात गुन्हे दाखल आहेत. या प्रकरणी आज (मंगळवार) पुणे न्यायालयात दोषारोपपत्र सादर होणार आहे. या वृत्ताला आर्थिक गुन्हे शाखेच्या उपायुक्त भाग्यश्री नवटके यांनी दुजोरा दिला आहे.
आज दोषारोपपत्र अतिरिक्त सत्र न्यायाधीश एस. एस. गोसावी यांच्या न्यायालयात सादर होणार आहे. डेक्कन पोलिसात रंजना घोरपडेंच्या फिर्यादीवरुन दाखल गुन्ह्यात आत्तापर्यंत सात संशयितांना पुण्याच्या आर्थिक गुन्हे शाखेने अटक केली आहे. यातील सहा संशयित पुण्याच्या येरवडा कारागृहात न्यायालयीन कोठडीत आहेत. २७ नोव्हेंबर रोजी जळगावात छापेमारी करुन महत्त्वाचे कागदपत्र, पुरावे, संगणक भाणि जप्त करुन सहा संशयिताना अटक केली आहे. या गुन्ह्यातील बहुतांश आरोपींचे जामीन अर्ज न्यायालयाने फेटाळून लावले आहेत. तर मुख्य सूत्रधार सुनील झंवर आणि अवसायक जितेंद्र कंडारे हे अद्यापही फरारच आहेत.
