जळगाव (प्रतिनिधी) भाईचंद हिराचंद रायसोनी (बीएचआर) मधील गैरव्यवहाराशी संबंधित अनेक धक्कादायक माहिती पोलीस तपासात समोर येत आहेत. यानुसार गुन्ह्यातील सर्व संशयितांनी महावीर जैन यांच्याशी संगणमत करून त्यांचा गैरव्यवहार व अपहार लपविण्यासाठी जैन यांच्या मदतीने एक खोटया आशयाचा व मजकुराचा, गैरव्यवहार व अपहार कायदेशीर भासविण्याचा अहवाल तयार करून तो खोटा आहे, हे माहित असूनही तो खरा म्हणून वापरल्याचे पोलीस तपासात समोर आले आहे.
पोलीस तपासात समोर आले आहे की, जितेंद्र कंडारे, धरम साखला, विवेक ठाकरे, महावीर जैन, सुजित वाणी, सुनिल झंवर, प्रकाश वाणी, कुणाल शहा, योगेश साखला एजंट व इतरांनी महावीर जैन यांच्याशी संगणमत करून त्यांनी केलेल्या गैरव्यवहार व अपहार लपविण्यासाठी जैनच्या मदतीने एक खोटया आशयाचा व मजकुराचा व गैरव्यवहार व अपहार कायदेशीर भासविण्याचा अहवाल तयार करून तो खोटा आहे हे माहित असूनही तो खरा म्हणून वापरला. जितेंद्र कंडारे व सुनिल झंवर याने बीएचआर संस्थेमधून संगणमताने महाविर जैन यास नियुक्त केल्याचे दाखवून त्याला बेकायदेशिररित्या पैसेसुध्दा अदा केले आहे. त्यामुळे आरोपींच्या गुन्हेगारी प्रवृत्ती उघड होते, असे पोलिसांच्या तपासात समोर आले आहे.
