जळगाव (प्रतिनिधी) भाईचंद हिराचंद रायसोनी पतसंस्था घोटाळ्यातील अटकेतील संशयित चौकशी पथकाला माहिती देताय. परंतू अनेक आरोप नाकारत असल्याची माहिती समोर येत आहे. दरम्यान, अटकेतील संशयितांची पोलीस कोठडी उद्या (रविवार) संपत असल्यामुळे त्यांना पुणे कोर्टात हजर केले जाणार आहे.
भाईचंद हिराचंद रायसोनी मल्टीस्टेट सहकारी पतसंस्थेचा अव्यवसाय जितेंद्र कंडारे, प्रकाश वाणी, कुणाल शहा, सुनील झंवर, महाविर जैन, सुजित वाणी, धरम साखला,योगेश साखला, विवेक ठाकरे, माहेश्वरी व इतरांनी एकमेकांच्या संगनमताने संस्थेत मोठ्या प्रमाणात अपहार केल्याचे पोलीस तपासात समोर आले आहे. यातील माहेश्वरी, सुनील झंवर, जितेंद्र कंडारे, प्रकाश वाणी, कुणाल शहा, योगेश साखला हे अद्याप पोलिसांच्या हाती लागलेली नाहीत. तर महाविर जैन, सुजित वाणी, धरम साखला, विवेक ठाकरे आणि कंडारेचा वाहन चालक कमलाकर कोळी असे एकूण पाच संशयित अटकेत आहेत. आर्थिक गुन्हे शाखेच्या चौकशी पथकाला संशयित माहिती देताय. परंतू अनेक आरोप नाकारत असल्याची माहिती सूत्रांनी दिली आहे. दरम्यान, अटकेतील संशयितांची पोलीस कोठडी उद्या (रविवार) संपत असल्यामुळे त्यांना पुणे कोर्टात हजर केले जाणार आहे. यावेळी पोलिसांकडून संशयितांची पोलीस कोठडी वाढवून मिळण्याची मागणी न्यायालयाकडे केली जाण्याची शक्यता आहे.
