जळगाव (प्रतिनिधी) बीएचआर पतसंस्थेतील गैरव्यवहार (Bhr Scam) प्रकरणी शिक्रापूरच्या गुन्ह्यात (Shikrapur Fir) अवसायक (Liqidator bhr) जितेंद्र कंडारेला (Jitendra Kandare) अटक करण्यात आली आहे. त्यामुळे या गुन्ह्यातील इतर संशयितांवर देखील अटकेची टांगती तलवार असल्याचे बोलले जात आहे.
शिक्रापूरच्या गुन्ह्यात कोण-कोण आहेत आरोपी !
बीएचआर पतसंस्थेतील गैरव्यवहार प्रकरणी शिक्रापूर पोलीस स्थानकात संतोष काशिनाथ कांबळे (वय ५७, रा. लोहगाव, पुणे) यांनी फिर्याद दिली होती. त्यानुसार प्रकाश वाणी, सुनिल झंवर, महावीर जैन, अजय राठी, विवेक ठाकरे, अजय ललवाणी, उदय कांकरीया व धरम साखला यांच्यावर दाखल झाला गुन्हा झाला होता. तर फिर्यादीत सुरेश जैन (suresh jain) आणि राजेश सुरेश जैन (rajesh suresh jain) यांचाही संस्थेचे पदाधिकारी म्हणून उल्लेख आहे. मात्र त्यांच्या विरूध्द आरोप ठेवण्यात न आल्याने दोघांविरुद्ध गुन्हा नोंदविण्यात आलेला नव्हता. दुसरीकडे डेक्कनच्या गुन्ह्यात मुख्य संशयित तथा तत्कालीन अवसायक जितेंद्र कंडारेला २५ डिसेंबरला जामीन मिळाला होता. परंतू त्याची कारागृहातून सुटका होत नाही, तोच दुसऱ्या दिवशी पोलिसांनी त्याला शिक्रापूरच्या गुन्ह्यात पुन्हा अटक (Arrest) केली होती. त्यामुळे आता या गुन्ह्यातील इतर संशयितांवर देखील अटकेची तलवार लटकलेली आहे.
झंवर आणि महावीर जैनला अंतरिम अटकपूर्व जामीन मंजूर
पुणे जिल्ह्यातील शिक्रापूर येथील गुन्ह्यात मुख्य संशयित सुनील झंवरला मुंबई हायकोर्टाने नोव्हेंबर २०२१ मध्ये अंतरिम अटकपूर्व जामीन मंजूर केला आहे. याप्रकरणी नुकतीच २० डिसेंबरला सुनवाई झाली. आता पुढील सुनवाई जानेवारी महिन्याच्या शेवटच्या आठवड्यात आहे. त्यामुळे या गुन्ह्यात सुनील झंवरला तोपर्यंत दिलासा आहे. झंवरकडून शिक्रापूरच्या गुन्ह्यात अॅड. अनिकेत निकम (advocate aniket nikam)यांनी युक्तिवाद केला होता. दरम्यान, सुनील झंवर डेक्कनच्या गुन्ह्यात अद्यापही येरवडा कारागृहात आहे. त्यामुळे शिक्रापूरच्या गुन्ह्यात अंतरिम अटकपूर्व जामीन मंजूर होऊनही त्याचा झंवरला तूर्त काहीही उपयोग नाहीय. तर दुसरीकडे महावीर जैनलाही अंतरिम अटकपूर्व जामीन मिळालेला आहे. त्यामुळे महावीर जैनला देखील शिक्रापूरच्या गुन्ह्यात तूर्त अटकेपासून संरक्षण आहे.
बीएचआर पतसंस्थेतील गैरव्यवहार प्रकरणी शिक्रापूर पोलीस स्थानकात दाखल गुन्ह्यात दोघांना अटकपूर्व जामीन मंजूर आहे. एक अटकेत असून इतर संशयितांवर योग्य वेळी कारवाई करू.
सुरज बनकर (पोलीस निरीक्षक, शिक्रापूर,पुणे)
