पारोळा (प्रतिनिधी) – शहराजवळील धरणगाव बायपासवर ट्रक व दुचाकी यांच्यात झालेल्या अपघातात दुचाकीस्वार ठार झाल्याची घटना मंगळवारी सायंकाळी घडली. मयत दुचाकीस्वाराची ओळख पटवण्याचे आवाहन पारोळा पोलिसांनी केले आहे.
येथील धरणगाव बायबासवर अशोक लेलॅण्ड कंपनीचा ट्रक (जीजे ३६, व्ही ७०३२) व बजाज कंपनीची प्लॅटिना दुचाकी (एमएच १८, बीजे ५८८८) यांच्यात १६ जूनला सायंकाळी
७.३० वाजेच्या सुमारास अपघात झाला. या अपघातात दुचाकीस्वार ठार झाला आहे. तर घटनेनंतर ट्रक चालक फरार झाला आहे. या अपघातातील मयत दुचाकीस्वार व्यक्तीच्या हातावर संगीता अनिल असे नाव गोंदलेले आहे. या प्रकरणी पारोळा पोलीस ठाण्यात घटनेची नोंद करण्यात आली असून मयत दुचाकीस्वाराबाबत माहिती मिळाल्यास पारोळा पोलिसांशी संपर्क साधण्याच आवाहन केले.
