चोपडा (प्रतिनिधी) चोपडा सूतगिरणीचे चेअरमन व्हाईस चेअरमन यांच्यासह संचालक मंडळाने नुकतीच उपमुख्यमंत्री अजित पवार यांची भेट घेऊन सूतगिरणी संदर्भात काही अडचणी असून त्या आम्हाला सोडवून द्या, अशी विनंती केली.
चोपडा सूतगिरणीचे चेअरमन माजी आमदार कैलास पाटील, व्हाईस चेअरमन प्रल्हाद पाटील,सुनील बुरड,जीवन चौधरी यांच्यासह अनेक सद्स्य उपमुख्यमंत्री अजितदादा पवार यांची नुकतीच भेट घेऊन त्यांना चोपडा सूतगिरणीला मंजूर झालेली 16 कोटी 74 लाख सबसिडी लवकर मिळावी. तसेच 81 कोटी प्रोजेक्ट रिपोर्टसाठी मंजुरी लवकर मिळावी, यासाठी साकडे घातले. यावर उपमुख्यमंत्री अजितदादा पवार यांनी चोपड्यातील सूतगिरणीच्या बाबतीत लवकर निर्णय घेऊन सर्वतोपरी मदत करेल असे ठोस आश्वासन दिल्याने संचालक मंडळ आनंदी झाले आहे.
यानंतर माजी आमदार कैलास बापू पाटील यांना तालुक्याच्या राजकीय स्थितीबाबत विचारणा केली असता मा.आ.कैलास बापू पाटील यांनी अजितदादा पवार यांना चोपडयाचे पुढच्या महिन्यात येण्याचे आमंत्रणं दिले असल्याचे त्यांनी सांगितले. थोडक्यात माजी आमदार कैलासबापू पाटील यांचे झुकते माप अजितदादा पाटील यांच्याकडे असल्याचे चित्र स्पष्ट होत आहे.
