अमळनेर (प्रतिनिधी) शहरातील शास्त्री नगरात घराचे कडीकोंडा व कुलूप तोडून अज्ञात चोरट्याने घरात घुसून दागिन्यांसह रोख रक्कम असा एकूण ५५ हजार ५०० रुपयांचा मुद्देमाल चोरी केल्याचा प्रकार समोर आला आहे. याप्रकरणी अमळनेर पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात राजेंद्र रुपसिंग पाटील (वय ५१ रा. शास्त्री नगर प्लॉट नं. ०४ अमळनेर) यांनी दिलेल्या फिर्यादीनुसार, दि. २४ मार्च २०२२ रोजी सकाळी ०७.०० ते दि. २५ मार्च २०२२ चे सकाळी ११.०० वाजेच्या दरम्यान माझे अमळनेर शहरातील शास्त्री नगर प्लॉट नं.०४ येथील माझ्या मालकीचे घराचे दरवाज्याचे कडीकोंडा व कुलुप तोड्डुन आत प्रवेश करुन कोणीतरी अज्ञात चोरट्याने घरफोडी करुन ३ ग्रॅम वजनाचे दोन सोन्याच्या अंगठ्या, २ ग्रॅम वजनाचे दोन लहान मुलांच्या अंगठ्या, ४ ग्रॅम वजनाचे सोन्याचे कानातले, ४ भार वजनाचे लहान मुलांचे पैंजण, साकळ्या, १८ हजार रुपये रोख रक्कम, असा एकूण ५५ हजार ५०० रुपये किंमतीचा मुद्देमाल चोरी केला. याप्रकरणी अमळनेर पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास पोना कैलास विनायक पवार करीत आहेत.
