धरणगाव (प्रतिनिधी) येथे रिजनल अकॅडमी आथॉरिटी इंग्लिश एक्सपर्टीज, औरंगाबाद याच्या वतीने माध्यमिक शिक्षा अभियानांतर्गत संपूर्ण महाराष्ट्रात २०१७ ते २०२० या तीन वर्षाच्या कालावधीत ज्या इंग्रजी विषयाच्या माध्यमिक शिक्षकांनी चेस प्रोजेक्ट राबवून सदर प्रकल्प यशस्वीरीत्या पूर्ण केला त्यांचा सत्कार व प्रमाणपत्र वितरण आज करण्यात आले.
अध्यक्षस्थानी गटशिक्षणाधिकारी अशोक बिऱ्हाडे हे होते तर प्रमुख अतिथी म्हणून पी. आर. हायस्कूलचे मुख्याध्यापक एस.एम.अमृतकर व उपमुख्याध्यापक तथा साहित्यिक डॉ. संजीवकुमार सोनवणे हे होते. प्रास्ताविक धरणगाव तालुक्याचे चेस नियामक गणेशसिंह सूर्यवंशी यांनी केले. शिक्षण साधन केंद्राच्या सभागृहात सोशल डिस्टंन्सनचे पालन करून प्रातिनिधिक स्वरूपात दहा शिक्षकांचा प्रमाणपत्र देऊन गौरविण्यात आले. डॉ. संजीवकुमार सोनवणे यांनी आपल्या मनोगतातून चेस अंतर्गत राबविण्यात येणाऱ्या प्रकल्पातून शिक्षकांनी विद्यार्थ्यांमध्ये इंग्रजीची गोडी लावून व्यक्तिमत्व विकास घडविल्याबद्दल शिक्षकांविषयी गौरवोद्गार काढले. तर गटशिक्षणाधिकारी अशोक बिऱ्हाडे यांनी चेस प्रोजेक्ट अंतर्गत घेतलेल्या ज्ञानाचा फायदा विद्यार्थ्यांपर्यंत पोहोचवावा व विद्यार्थ्यांना जास्तीत जास्त उपयोग करून द्यावा अशी अपेक्षा व्यक्त केली. सत्कारार्थींच्या वतीने धरणगाव तालुका इंग्लिश टिचर मेंबर आर.डी. महाजन यांनी मनोगत व्यक्त केले सूत्रसंचालन गट साधन केंद्राचे समन्वयक डॉ. घनश्याम जाधव यांनी केले तर आभार समाधान पाटील यांनी मानले.
