चोपडा (प्रतिनिधी) तालुक्यातील हातेड, बुधगाव फाट्यावर २९ चोपडा ग्रामीण व डीवायएसपी सुनील नंदवाळकर यांच्या पथकाने गुप्त माहितीच्या आधारे सायंकाळी ५ ते ६ वाजेदरम्यान दुचाकीवरून १ लाख २० हजारांचा गांजा पकडला आहे. दरम्यान, आरोपी फरार होण्यात यशस्वी झाला.
तालुक्यातील हातेड बुधगाव फाट्यावर बुधवारी चोपडा ग्रामीण पोलिस व डीवायएसपी सुनील नंदवाळकर यांच्या पथकाने मिळालेल्या गुप्त माहितीच्या आधारे सायंकाळी पाच ते सहा वाजेच्या दरम्यान मोटारसायकलवरून १ लाख २० हजार रुपयांचा गांजा घेऊन जात असताना पकडला आहे. ५० हजार रुपयांचीदुचाकीही जप्त केली आहे. असा एकूण १ लाख ७० हजारांचा मुद्देमाल पोलिसांनी जप्त केला आहे. बुधगाव फाटा येथे ही कारवाई डीवायएसपी सुनील नंदवाळकर यांच्या पथकासह चोपडा ग्रामीण पथकाने मिळून केली.
या वेळी ग्रामीण पोलीस ठाण्यातील निरीक्षक कावेरी कमलाकर, पीएसआय विलास पाटील, राकेश पाटील, प्रमोद बागडे, हितेश बेहरे, गणेश पाटील, रावसाहेब पाटील, विनोद पवार, सुनील कोळी, मनीष गावित, कमलेश बाविस्कर यांनी ही कारवाई केली. या प्रकरणी चोपडा ग्रामीण पोलीस ठाण्यात २९ रोजी अज्ञात आरोपीविरोधात गुन्हा दाखल केला आहे.
